ქორწილის ღამეს, 23 წლის გოგონას შიშველი ცხედარი კორპუსთან იპოვეს: ის მე-15 სართულიდან გადმოვარდა - რუსეთში მომხდარი ტრაგედიის დეტალები

27 ივლისს პეტერბურგში საშინელი ტრაგედია მოხდა. 23 წლის გოგონა დაქორწინებიდან რამდენიმე საათში გარდაცვლილი იპოვეს. მომხდარის დეტალებზე რუსული და უცხოური მედია წერს.

სანქტ-პეტერბურგელმა წყვილმა ნანატრი ქორწილი 26 ივლისს იზეიმა. მათ ზეიმის ამსახველი ფოტოები სოციალურ ქსელშიც გააზიარეს. წყვილი ერთმანეთს ბედნიერად უყურებს, პატარძალს კი ვარდების თაიგული უჭირავს ხელში.

თუმცა, ქორწილის ღამე ტრაგედიად გადაიქცევა - გავრცელებული ინფორმაციით, 23 წლის გოგონა ვარშავსკაიას ქუჩაზე, მე-15 სართულზე მდებარე ბინის ფანჯრიდან გადმოვარდა. მამაკაცი მეუღლის დასახმარებლად ჩავიდა, სასწრაფო გამოიძახა, თუმცა მისი გადარჩენა ვერ შეძლეს.

პოლიციის ცნობით, მათ შეტყობინება მომხდარის შესახებ 27 ივლისს, დილის 8:48 საათზე მიიღეს.

გოგონას შიშველი ცხედარი მაღალსართულიანი შენობის ფანჯრების ქვეშ იპოვეს. მას უმძიმესი დაზიანებები აღენიშნებოდა.

სამართალდამცველების თქმით, ტრაგედიის დროს გოგონა ნარკოტიკების ზემოქმედების ქვეშ იმყოფებოდა. ახალდაქორწინებულთა მეზობლები ასევე აღნიშნავენ, რომ შეყვარებულები ხშირად ჩხუბობდნენ, მათი ბინიდან გინება და ყვირილი ისმოდა. თუმცა, ქმარი ყველაფერს უარყოფს. ის აცხადებს, რომ მის მეუღლეს ნერვული აშლილობა ჰქონდა.

ცნობილია, რომ გარდაცვლილი 23 წლის გოგონა ბრიანსკის ოლქის მკვიდრია. უმაღლესი განათლება მიიღო პეტერბურგში. თავისუფალ დროს უყვარდა სურათების გადაღება.

წყარო