არეულობა დიდ ბრიტანეთში, რომელიც ბავშვებზე თავდამსხმელის შესახებ გავრცელებულ ინფორმაციას მოჰყვა - ქუჩაში მეამბოხეები გამოვიდნენ: იყო შეტაკებები (ფოტოები)
დიდ ბრიტანეთში, საუთპორტში დანით თავდასხმის შედეგად სამი ბავშვი დაიღუპა. შემთხვევა ორშაბათს, ერთ-ერთ ცეკვის სკოლაში მოხდა. პოლიციის განცხადებით, თავდასხმისას 9 ადამიანი დაშავდა, 3 კი გარდაიცვალა: 9 წლის ალისა დასილვა აგიარი, 6 წლის ბებე კინგი და 7 წლის ელსი დოტ სტენკომბი.
იმავე საღამოს ქალაქის მცხოვრებლები ტრაგედიის ადგილას მივიდნენ და გარდაცვლილთა პატივსაცემად სანთლები, ანგელოზის სუვენირები, ყვავილები მიიტანეს.
წუხელ ქუჩაში გამოვდინენ მეამბოხეები, რომლებიც თავს “ინგლისის თავდაცვის ლიგის მხარდამჭერებად“ მიიჩნევენ. ისინი ინგლისურად სკანდირებდნენ: “სანამ არ მოვკვდები“ და ქვეყანაში მიგრანტთა შედინებას აპროტესტებდნენ.
ათასობით ადამიანმა ქუჩაში არეულობა გამოიწვია. ქალაქში იყო შეტაკებები პოლიციასთან, მათ ასევე დაწვეს პოლიციის ფურგონი.
“შეაჩერეთ ნავები“, - სკანდირებდნენ ისინი.
ახლომდებარე წმინდა ლუკას ქუჩაზე, მამაკაცებმა ალყა შემოარტყეს საუთპორტის მეჩეთს და პოლიციის ოფიცრებს, რომლებმაც შენობას დამცავი ჯაჭვი შემოავლეს, ნივთებს ესროდნენ.
ქუჩაში გმოსულთა დიდ ნაწილს ნიღბები ეკეთა, ამ მიზეზით მათი ამოცნობა შესაძლოა გართულდეს.
არასრულწლოვნებზე თავდასხმისა და მკვლელობის გამო პატიმრობაში რჩება 17 წლის ბიჭი.
დასავლური მედიის ინფორმაციით, ქალაქში შეცდომით გავრცელდა ინფორმაცია, რომ თავდამსხმელი იყო თავშესაფრის მაძიებელი მიგრანტი, რომელიც დიდ ბრიტანეთში ნავით ჩავიდა. თუმცა, ინფორმაცია დადასტურებული არ არის.
პოლიციის განცხადებით, რამდენიმე ოფიცერი დაშავდა. არეულობის დროს დაწვეს მანქანები და გაძარცვეს ათეულობით მაღაზია.
მათივე ინფორმაციით, ქუჩაში შეკრებილებმა პოლიციის ოფიცრებს ქვები და ბოთლები დაუშინეს.
შეგახსენებთ, რომ დიდ ბრიტანეთში, საუთპორტში დანით თავდასხმის შედეგად სამი ბავშვი დაიღუპა. შემთხვევა ორშაბათს, ერთ-ერთ ცეკვის სკოლაში მოხდა. პოლიციის განცხადებით, თავდასხმისას 9 ადამიანი დაშავდა, 3 კი გარდაიცვალა - 9 წლის ალისა დასილვა აგიარი, 6 წლის ბებე კინგი და 7 წლის ელსი დოტ სტენკომბი.
პოლიციამ ეჭვმიტანილი უკვე დააკავა - ის 17 წლის არასრულწლოვანია. მისი ვინაობა ჯერჯერობით არ საჯაროვდება. დაკავებული პოლიციის განყოფილებაში გადაიყვანეს და სამშაბათს დილით დაიკითხა. დანაშაულის მოტივი უცნობია.
იხილეთ ასევე: