მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სტეფანე, ნინო ქათამაძე, ნიკოლოზ რაჭველი ლაიმა ვაიკულესა და ალა პუგაჩოვასთან ერთად - რატომ აკრიტიკებენ ქართველ მომღერლებს და რა ფესტივალი ჩატარდა რეალურად იურმალაში
20:13 / 29-07-2024
ცნობილი ლატვიელი მომღერლის, ლაიმა ვაიკულეს დაფუძნებული ფესტივალი "Laima Rendezvous Jūrmala" სამი დღის განმავლობაში იურმალას "ძინტარის" დარბაზში ტარდებოდა.
ის, რომ ალა პუგაჩოვა ფესტივალის სტუმრებს შორის იყო, გასაკვირი არ ყოფილა: ის ფესტივალზე გასულ წელსაც იმყოფებოდა.
სიმბოლურია, რომ პრიმადონა ფესტივალის პირველივე საღამოს მივიდა, სადაც ძირითადად უკრაინელი არტისტები გამოდიოდნენ.
- ალა დარბაზში იჯდა იმ უკრაინელ სამხედროებთან ერთად, რომლებიც ლატვიაში რეაბილიტაციას გადიან. ისინი ლაიმა ვაიკულემ პირადად მიიწვია თავის მუსიკალურ ფესტივალზე.
პუგაჩოვა ფესტივალის მესამე საღამოზეც მივიდა, მას მაქსიმ გალკინიც ახლდა.
”ბრავო, ალა!” - ყვიროდა მაყურებელი, როდესაც დარბაზში შევიდა. მაქსიმ გალკინი ფესტივალის დახურვისას მოულოდნელად სცენაზე ავიდა და ნახევარსაათიანი კონცერტი გამართა, სადაც რამდენიმე პაროდიის შემდეგ, უკრაინული სიმღერა შეასრულა.
აგვისტოში გალკინს შვიდი კონცერტი აქვს დაგეგმილი ლატვიის სხვადასხვა ქალაქში, მათ შორის ორი კონცერტი ძინტარის დარბაზში.
ფესტივალის მეორე და მესამე საღამო რუსეთის უკრაინაში შეჭრის კრიტიკის ნათელი დემონსტრირება იყო, - წერს ადგილობრივი მედია. მაქსიმ პოკროვსკიმ (ჯგუფი "Nogu Svelo"), რომელიც ახლა შეერთებულ შტატებში ცხოვრობს, ანტისაომარი სიმღერები შეასრულა, ისევე როგორც დუეტმა "BI-2", რომელიც რუსეთში "უცხოეთის აგენტად" გამოაცხადეს.
ფესტივალის დახურვისას კიდევ ერთმა რუსეთში უცხოეთის აგენტად გამოცხადებულმა ანდრეი მაკარევიჩმა იმღერა. დასასრულს კი ისრაელის ჰიმნი შეასრულა.
საფესტივალო კონცერტებში მონაწილეობდნენ სხვადასხვა ქვეყნის წარმომადგენლები. მათ შორის იყვნენ ქართველები - ნინო ქათამაძე, ნიკოლოზ რაჭველი და სტეფანე მღებრიშვილი.
შეგახსენებთ, რომ ეს არ არის კონკურსი "ახალი ტალღა“, რომელიც იურმალაში წლების განმავლობაში ტარდებოდა და ქართველი შემსრულებლებიც მონაწილეობდნენ. აღნიშნული კონკურსი 2021 წლიდან სოჭში ტარდება. საქართველო კი უკვე წლებია აღარ მონაწილეობს.
2021 წელს საქართველოსგან დამოუკიდებლად, საქართველოს სახელით კონკურსზე ნათია რიგვავამ იმღერა. წელს კი, ჩვენგან დამოუკიდებლად საქართველოს სახელით რუსეთში მცხოვრები ქართველი შემსრულებელი ხვიჩა კვარაცხელია მონაწილეობს.
როგორც ჩანს, საზოგადოების ნაწილი იურმალაში გამართულმა ფესტივალმა დააბნია და ის "ახალ ტალღასთან" გააიგივეს. სტეფანე მღებრიშვილს ალა პუგაჩოვასთან და გალკინთან გამოქვეყნებული ფოტოს კომენტარებში უწერენ:
"ალა პუგაჩოვას ქებას თუ მოვისმენდი, არ ველოდი, სტეფ, შენგან. ის ქათამაძე ომის შემდეგ იურმალაზეც იდგა და არ მიკვირს. აი, შენგან ცოტა გამიკვირდა!“
"ხალხო, ალამ თავისი სამშობლო დატოვა პროტესტის ნიშნად და ოპოზიციურადაა განწყობილი. ნამდვილად არ არის პუტინისტი! ლაიმა ხომ საერთოდ ლატვიელია“.
"ეს ის საზოგადოება არაა? რუს ჩვეულებრივ ადამიანებზე და არა პოლიტიკოსებზე რომ ამბობდნენ, ქვეყანაში არ უნდა ვუშვებდეთ, ასეთები არიან, ისეთები არიანო და ამ ხალხმა რუსეთში მყოფ ნუცა ბუზალაძეს "ქვები" ესროლა", - წერენ კომენტარებში.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
