მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სიცოცხლე დედამიწაზე შესაძლოა გაცილებით უფრო ადრეული იყოს, ვიდრე აქამდე მიიჩნეოდა - რა აღმოაჩინეს გაბონში და რას აცხადებენ მეცნიერები?
14:52 / 29-07-2024
მეცნიერთა ჯგუფი აცხადებს, რომ მათ აღმოაჩინეს ახალი მტკიცებულება, რომელიც ამყარებს მათ თეორიას, რომ კომპლექსური სიცოცხლის ფორმა დედამიწაზე შესაძლოა, 1.5 მილიარდი წლით ადრე გაჩნდა, ვიდრე აქამდე მიიჩნეოდა.
გუნდი გაბონიდან ამბობს, რომ მტკიცებულება ღრმად, ქანებში აღმოაჩინეს და ის აჩვენებს, რომ ცხოველური სიცოცხლისთვის საჭირო გარემო პირობები 2.1 მილიარდი წლის წინ არსებობდა.
თუმცა, მათივე თქმით, ორგანიზმები ხმელეთით გარშემორტყმულ ზღვაში ცხოვრობდნენ, გლობალურად არ გავრცელებულან და საბოლოოდ, გადაშენდნენ.
ეს იდეები მნიშვნელოვნად განსხვავდება ტრადიციული აზროვნებისგან და ყველა მეცნიერი მათ არ ეთანხმება.
ექსპერტთა უმრავლესობა მიიჩნევს, რომ ცხოველური სიცოცხლე დაახლოებით 635 მილიონი წლის წინ გაჩნდა.
ფრანსვილში, გაბონში ნაპოვნი აქამდე აუხსნელი ფორმაციის ნამარხების გარშემო დებატები მიმდინარეობს.
ნამარხების გარშემო მეცნიერებმა ქანები შეისწავლეს, რათა ენახათ, ჩანდა თუ არა მათში ისეთი ნივთიერებების არსებობის მტკიცებულება, როგორიცაა ჟანგბადი და ფოსფორი, რომლებიც სიცოცხლისთვის იქნებოდა საჭირო.
კარდიფის უნივერსიტეტის პროფესორი ერნესტ ჩი ფრუ თემაზე მეცნიერთა საერთაშორისო გუნდთან ერთად მუშაობდა.
მან BBC News-ს უთხრა, რომ თუ მისი თეორია სწორია, ეს სიცოცხლის ფორმები ლორწოვანი ობის მსგავსი იქნებოდა - უტვინო ერთუჯრედიანი ორგანიზმი, რომელიც სპორებით მრავლდება.
მაგრამ ლონდონის საუნივერსიტეტო კოლეჯის პროფესორ გრეჰემ შილდს, რომელიც კვლევაში არ მონაწილეობდა, გარკვეული ეჭვები აქვს.
პირველი მინიშნება იმაზე, რომ სიცოცხლის კომპლექსური ფორმა შეიძლება დაწყებულიყო უფრო ადრე, ვიდრე ცნობილია, დაახლოებით 10 წლის წინ გაჩნდა, ე.წ. ფრანსვილის ფორმაციის აღმოჩენის შემდეგ.
ჩი ფრუმ და მისმა კოლეგებმა განაცხადეს, რომ ფორმაცია შედგებოდა ნამარხებისგან, რომლებიც სიცოცხლის მტკიცებულებაზე მიუთითებდნენ, რომელსაც შეეძლო "რხევა" და დამოუკიდებლად მოძრაობა.
ეს აღმოჩენები ყველა მეცნიერს არ უღიარებია.
თეორიისთვის მეტი მტკიცებულების მოსაპოვებლად, ჩი ფრუმ და მისმა გუნდმა ახლა გაბონში, ქანებიდან აღებული ნალექის ნიმუშები გააანალიზეს.
ქანის ქიმიურმა შემადგენლობამ აჩვენა, რომ სიცოცხლისთვის საჭირო "ლაბორატორია" სწორედ ამ ფორმაციის გამოჩენამდე შეიქმნა.
მათი მოსაზრებით, ჟანგბადისა და ფოსფორის მაღალი დონე წყალქვეშ, ორი კონტინენტური ფილის შეჯახებით წარმოიქმნა, რამაც ვულკანური აქტივობა გამოიწვია.
შეჯახებამ წყლის ნაწილი ოკეანეებისგან გამოჰყო და "საკვები ნივთიერებებით მდიდარი მცირე სიღრმის შიდა ზღვა" შექმნა.
ჩი ფრუს თქმით, ამ დაცულ გარემოში არსებობდა პირობები, რაც ფოტოსინთეზის საშუალებას იძლეოდა და წყალში ჟანგბადის მნიშვნელოვან რაოდენობას აგროვებდა.
"ეს უზრუნველჰყოფდა საკმარის ენერგიას, რათა ხელი შეეწყო სხეულის ზომის ზრდისთვის და უფრო რთული ქცევისთვის, რაც შეინიშნება პრიმიტიულ, მარტივ ცხოველისებრ სიცოცხლის ფორმებში, როგორიცაა ის, რაც ამ პერიოდის ნამარხებშია ნაპოვნი", - განაცხადა მან.
აღმოჩენები სამეცნიერო ჟურნალ Precambrian Research-შია გამოქვეყნებული.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
