"ისევე, როგორც ჩვენ შევედით ყარაბაღში, ლიბიაში, ჩვენ შესაძლოა, მსგავსი რამ გავუკეთოთ მათაც" - ერდოღანი ისრაელს დაემუქრა

თურქეთის პრეზიდენტის რეჯეფ თაიფ ერდოღანის განცხადებით, თურქეთი შესაძლოა, ისრაელში შევიდეს, როგორც მან ეს ლიბიისა და მთიანი ყარაბაღის შემთხვევაში გააკეთა. ამის შესახებ ინფორმაციას საინფორმაციო სააგენტო Reuters ავრცელებს.

სააგენტოს ინფორმაციით, ერდოღანს არ განუმარტავს, რა სახის ინტერვენციას გულისხმობდა ის.

"ჩვენ უნდა ვიყოთ ძალიან ძლიერები იმისთვის, რომ ისრაელმა ვეღარ შეძლოს მსგავსი რაღაცების პალესტინისთვის გაკეთება. ისევე როგორც ჩვენ შევედით ყარაბაღში, ისევე როგორც შევედით ლიბიაში, ჩვენ შესაძლოა მსგავსი რამ გავუკეთოთ მათაც. არ არსებობს მიზეზი, რის გამოც ამის გაკეთება არ შეგვიძლია. ჩვენ უნდა ვიყოთ ძლიერები ამ ნაბიჯების გადასადგმელად“,- განაცხადა ერდოღანმა.