ლევან ვასაძის ქალიშვილის შთამბეჭდავი ქორწილი - პატარძლის ტრადიციული და თანამედროვე სამოსი, ულამაზესი "ქართული" და ვალსი მამასთან (ფოტო/ვიდეო)
თათამ და ბათამ იქორწინეს. ბიზნესმენ ლევან ვასაძის ქალიშვილმა თათა ვასაძემ და ბათა ზედგინიძემ ჯვარი დაიწერეს. პატარაძალს და მის ორ მეჯვარეს მამის კომპანიის "სამოსელი პირველის“ კაბები ეცვათ.
ჯვრისწერის შემდეგ ტაძრიდან გამოსულმა წყვილმა ძველი ქართული ტრადიციის მიხედვით ხმლების ქვეშ გაიარა. ერთ-ერთი, ვისაც ხმალი ეკავა, პატარძლის მამა, ლევან ვასაძე იყო.
საქორწილო დარბაზში ნეფე-პატარძალი "მრავალჟამიერის" ფონზე შევიდა. საღამოზე ტრადიციულად "ქართული" იცეკვეს თათამ და ბათამ. პატარძალმა ვალსი იცეკვა მამასთან, რომელიც ასევე ძველ ქართული ტრადიციული სამოსით ესწრებოდა შვილის ქორწილს.
თათა ვასაძის რჩეული ბათა ზედგინიძეა. AMBEBI.GE მაისის ბოლოს გიყვებოდათ, რომ გოგონას რჩეულმა ხელი ესპანეთში, ერთ-ერთ კლუბში სთხოვა.
თათა ვასაძე, ბიზნესმენის რიგით მეორე შვილი და პირველი ქალიშვილია. როგორც სხვა დედმამიშვილები, მანაც მამის კერძო სკოლა დაამთავრა. გოგონა სუხიშვილების მოქმედი მოცეკვავეა.
თათა სოციალური ქსელში გამომწერებს ხშირად უზიარებს საკუთარ ფოტოებს ყოველდღიური ცხოვრებიდან. გარდა ცეკვისა, შეგახსენებთ, რომ თათა ანსამბლის პროფესიონალი მოცეკვავეა, მილიონერის ქალიშვილი საქართველოს ტექნიკურ უნივერსიტეტში, არქიტექტურის ფაკულტეტზე სწავლობს.
სუხიშვილების სტუდიაში პირველად 2009 წელს მივიდა. ამჟამად კი ანსამბლის ერთ-ერთი ძირითადი მოცეკვავეა და სოლო პარტიებსაც ასრულებს. მისი მომავალი ცეკვას უკავშირდება, "დიახ, არქიტექტორი მოცეკვავე ვიქნები", - ამბობს თათა.
წაიკითხეთ ასევე: