რომელი პარტიები შეძლებდნენ ბარიერის გადალახვას ხვალ რომ არჩევნები ტარდებოდეს? -  Edison Research - ის ახალი კვლევა

Edison Research-ის კვლევის თანახმად, ხვალ რომ საპარლამენტო არჩევნები ტარდებოდეს, გამოკითხულთა უმრავლესობა, 32.4% ხმას "ქართულ ოცნებას“ მისცემდა, 17.3% "ნაციონალურ მოძრაობა/სტრატეგია აღმაშენებელს“, 12.8% "ძლიერი საქართველო: ლელო/ხალხისთვის/თავისუფლების მოედანს“, 11.2% "საქართველოსთვის - გიორგი გახარიას“.

რაც შეეხება სხვა პოლიტიკურ ძალებს, სხვა პარტიების რეიტინგი ასეთია:

კოალიცია ცვლილებებისთვის ახალი/გირჩი/დროა - 9.9%;

"გირჩი“ - იაგო ხვიჩია 5.2%,

"ლეიბორისტული პარტია“ 3.3%,

"პატრიოტთა ალიანსი“ და "ალტ ინფო“ 2.6%,

"მოქალაქეები“ 2.2%;

"ევროპული საქართველო“ 1.9%,

"სამართლიანობისთვის“ - ეკა ბესელია 0.9%,

სხვა პარტიებს ასახელებს 0.4%.

რაც შეეხება პარტიების მიმართ ლოიალობას, 72% ამბობს, რომ თავის არჩევანში დარწმუნებულია, 28% კი ფიქრობს, რომ შეიძლება, მისი არჩევანი შეიცვალოს.

პარტიების მიხედვით ლოიალობის პროცენტული მაჩვენებელი ასე გადანაწილდა:

"ქართული ოცნება/ხალხის ძალა“ - დარწმუნებულია არჩევანში 85%; შეიძლება შეიცვალოს არჩევანი 15%;

"ერთიანობა: ენმ/სტრატეგია აღმაშენებელი“ შესაბამისად 78% და 22%;

"ძლიერი საქართველო: ლელო/ხალხისთვის/თავისუფლების მოედანი“ 65% და 35%;

"საქართველოსთვის - გიორგი გახარია“ – 63% და 37%;

"კოალიცია ცვლილებებისთვის: ახალი/გირჩი-დროა“ – 59% და 41%; "გირჩი“ (იაგო ხვიჩია) – 53% და 47%.

საზოგადოებრივი აზრის გამოკითხვა ტელეკომპანია "ფორმულას“ დაკვეთით საერთაშორისო კვლევითმა კომპანიამ Edison Research-მა ჩაატარა.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 000 საარჩევნო უფლების მქონე 18 წლისა და მეტი ასაკის ადამიანი.

შესაძლო ცდომილება არის +/–2.5% საქართველოს მასშტაბით და +/– 2.5 % თბილისისთვის, 95%-იანი ნდობის ინტერვალისთვის. საველე სამუშაოები მიმდინარეობდა 11-24 ივლისის შუალედში.