ადიგენის სოფელ უდეში საცხოვრებელი სახლის კედელი ჩამოინგრა - გარდაიცვალა ორი მამაკაცი
დღეს, 28 ივლისს ადიგენის მუნიციპალიტეტის სოფელ უდეში, საცხოვრებელი სახლის კედლის ჩამონგრევას, ორი ადამიანის სიცოცხლე ემსხვერპლა. დაშავდა კიდევ ერთი პირი, როგორც ადგილობრივები ამბობენ, გარდაცვლილები ახალციხელები არიან. ინფორმაციას “სამხრეთის კარიბჭე“ აქვეყნებს.
“ორივე ახალციხეში ცხოვრობს, ერთ - ერთ მათაგანს სახლი სოფელ უდეში აქვს და იქ იმყოფებოდნენ. აივანზე მიშენებულ სამზარეულოში რაღაცას აკეთებდნენ, ამ დროს კედელი ჩამოიშალა და შიგ მოყვნენ“, - ამბობენ უდეში მცხოვრებლები.
კიდევ ერთი ადგილობრივი გვიდასტურებს, რომ, 50 წლამდე, ორი მამაკაცის სიცოცხლე, კედლის ჩამონგრევას ემსხვერპლა. გარდაცვლილები ერთმანეთის ახლობლები არიან.
სასწრაფო სამედიცინო დახმარების ჯგუფს ადგილზე ორი გარდაცვლილი და ერთი დაშავებული დახვდა.