14
მარტიდღის ზოგადი ასტროლოგიური პროგნოზი
2024 წლის პარიზის ოლიმპიური თამაშების გახსნის ცერემონიამ, რომელიც გუშინ გაიმართა, მაყურებელთა აღფრთოვანება გამოიწვია. XXXIII ოლიმპიური თამაშები მართლაც გრანდიოზული სანახაობით გაიხსნა - ულამაზესი აღლუმი სენაზე, ფრანგულად ამღერებული ლედი გაგა, შთამბეჭდავი მუსიკალური და საცეკვაო ნომრები, უამრავი სიმბოლო, რომელიც საფრანგეთის ისტორიას, კულტურას თუ მწერლობას გვახსენებდა და სელინ დიონის შესრულება, რომელზეც ყველა ამბობს, რომ მისი კარიერის ბოლო და შთამბეჭდავი აკორდი იყო.
- თუმცა გახსნამდე რამდენიმე დღით ადრე, სოციალურ ქსელში ვნებათაღელვა გამოიწვია ოლიმპიურ სოფელში მონაწილეთათვის განკუთვნილმა საწოლებმა, რომელიც მუყაოსგან არის დამზადებული და რომელსაც "ანტისექს" სტატუსი მიანიჭს.
"პლანეტის ყველაზე ძლიერი კაცი ლაშა ტალახაძე მუყაოს საწოლზე დააწვინეს პარიზის ოლიმპიურ სოფელში" - ამ სათაურით გავრცელდა ქართულ სოცქსელებში ვიდეო ლაშა ტალახაძეზე. კადრებში ჩანს, როგორ ცდილობენ "გაამაგრონ" ძალოსანის საწოლი. (ვიდეოკადრებს ნახავთ სტატიის ბოლოში)
რა არის "ანტისექს" ოლიმპიური საწოლი?
Forbes-ი წერს, რომ მუყაოს საწოლები პირველად ვირუსულად 2021 წელს გავრცელდა, მას შემდეგ, რაც ამერიკელმა მორბენალმა და მსუბუქმა ათლეტმა, პოლ ჩელიმომ მის შესახებ "ტვიტერზე“ დაწერა. მაშინ მან განმარტა, რომ ეს საწოლი განკუთვნილი იყო იმისთვის, რომ „სპორტსმენებს შორის ინტიმური სიახლოვე არ მომხდარიყო“.
"საწოლს ერთი ადამიანის წონის გაძლება შეუძლია. მომიწევს იატაკზე ძილში ვივარჯიშო“ - წერდა მაშინ ის.
ფოტოებზე, რომელიც მაშინ გავრცელდა, "ანტისექს"-საწოლი შეარქვეს და დადიოდა ხმები, რომ ისინი ისე იყო დაპროექტებული, რომ ინტენსიური ფიზიკური აქტივობის ან მასზე ერთზე მეტი ადამიანის არსებობის შედეგად დაიშლებოდა.
"ანტისექს-საწოლები" ერთვარ ციფრულ ლეგენდად იქცა და სპორტსმენებმა მალევე უარყვეს ინფორმაცია მისი ფუნქციის შესახებ და სოციალურ ქსელში განათავსეს ვიდეოები, სადაც ისინი საწოლებზე ხტუნაობენ. ამით სურდათ, საწოლის სიმყარისთვის გაესვათ ხაზი.
თუმცა, მითი დაბრუნდა 2024 წელს პარიზის ოლიმპიურ თამაშებზე. სპორტმენებმა კვლავ მიმართეს სოციალურ ქსელებს, რათა სიმართლე გაემხილათ: საწოლები სრულიად მყარია და ის ხელს არ უშლის ფიზიკურ აქტივობას.
სინამდვილეში, ისინი 200 კილოგრამს უძლებენ და ერთგვარ ეკოლოგიურ ინციატივას წარმოადგენენ, რომელსაც ოლიმპიური თამაშების დასრულებისთანავე გადამუშავებას დაექვემდებარება.
@saltynuts_ Anti 🎷 bed conspiracy put to the test #parisolympics2024 #olympics @Jordan Conroy ♬ macarena slowed - VV music
მოსახერხებელია თუ არა მუყაოს საწოლები?
კანოე-სლალომის ამერიკელმა სპორტსმენმა, ევი ლეიბფარტმა დაადასტურა, რომ მონაწილეებს რბილ ქვეშაგებზე სძინავთ, მიუხედავად იმისა, რომ საწოლის კარკასი მუყაოსგან არის დამზადებული.
თუმცა, ბევრი სპორტსმენის აზრით, საწოლი არც ისე მოსახერხებელია, რაც ზრდის საშიშროებას, რომ კარგად გამოუძინებელი მონაწილე კარგ შედეგს ვერ მოიტანს.
საბოლოოდ დადასტუტრდა, რომ მუყაოს საწოლი არა სპორტსმენების სექსუალური ცხოვრების გასაკონტროლებლად, არამედ გარემოსთვის ზიანის მიყენების თავის ასარიდებლად შეიქმნა.
წყარო: Forbes
ავტორი: ეკა დარჩიაშვილი
წაიკითხეთ ასევე:
- წვიმამ და დივერსიის საფრთხემ პარიზის ოლიმპიადის გახსნას ვერაფერი დააკლო - გრანდიოზული სანახაობა: აღლუმი სენაზე, ლედი გაგა, მეჩირაღდნე ზინედინ ზიდანი და "ფრანგული სასწაული" (ფოტოები)
- ვინ როდის იწყებს ასპარეზობას? - ზაფხულის XXXIII ოლიმპიურ თამაშებზე ქართველი ოლიმპიელების გამოსვლის განრიგი
ნამდვილად სამწუხაროა, მაგრამ საფრანგეთს როგორც აღარაფერი ეშველება
200 კილოს შესაძლოა იმ შემთხვევაში უძლებს, თუ ის 200 კილო გაუნძრევლად წევს. ქართული დელეგაციის უმრავლესობა მაგ საწოლებზე თავს არაკომფორტულად გრძნობს, მოუხერხებელია. მთავარი პრობლემა მაინც კონდიციონერების არარსებობაა. პარიზში ცხელა და ვენტილატორები ნამდვილად არასაკმარისია. შესაძლოა, უცნაურად მოგეჩვენოთ, მაგრამ საჭმელიც არასაკმარისია. ამ პრობლემას არაერთ უცხოურ საიტზე ნახავთ.