ცნობილი ქართველი მოდელი გათხოვდა - ქორწინება ნიუ-იორკში: ვინ არის თათია ახალაიას რჩეული?

ცნობილი ქართველი მოდელი თათია ახალაია დაოჯახდა. მისი რჩეული ლევან კობახიძეა. წყვილმა ამერიკაში იქორწინა. ჩვენი ინფორმაციით, თათია და ლევანი ნიუ-იორკში ცხოვრობენ. კობახიძე კომპანია Making Science • Sweeft-ის კომერციული დირექტორია. ჩვენი ინფორმაციით, მას შემდეგ, რაც თათიამ კარიერა შტატებში გააგრძელა, ლევანმა საქართველოში წარმატებული კარიერა დატოვა და შეყვარებულს შტატებში გაჰყვა.

თათია ახალაია მოდის სამყაროში 2017 წელს გამოჩნდა. მასთან ისეთი ცნობილი ბრენდები თანამშრომლობენ, როგორიცაა: MIU MIU, Dolce & Gabbana, Givenchy, Emilio Pucci, Zuhair Murad, Roberto Cavalli, Christian Siriano და სხვები.

თათია მოსკოვში დაიბადა და საქართველოში საცხოვრებლად 3 წლის ასაკში მშობლებთან ერთად გადმოვიდა.

"ჩემი მშობლები აფხაზეთიდან არიან, იქ გაიცნეს ერთმანეთი. მიუხედავად იმისა, რომ პატარა ვიყავი, რაღაცები მახსოვს, მახსოვს ჩემი სახლი და ყოველთვის მენატრება.

არ მინდოდა მოდელობა, ია კიწმარიშვილმა რამდენჯერმე მთხოვა მისვლა. ვეუბნებოდი, რომ არ მინდოდა. ბოლოს ვიფიქრე, მივიდოდი და ავუხსნიდი, რომ არ მაინტერესებდა ეს სფერო და წამოვიდოდი უკან. ჩემი ეს დამოკიდებულება, ალბათ, იმით აიხსნებოდა, რომ, როცა მე ვიწყებდი, მოდაში ერთი წარმატებული ფიგურა არ გვყავდა. ყველა ძველი მოდელი ან წამყვანი გახდა, ანუ ხომ ხვდებით. ეგ ჩემთვის საინტერესო არ იყო და ამიტომ არ მინდოდა", - ამბობდა მოდელი ერთ-ერთ ინტერვიუში.

გასულ წელს თათია ახალაია Vera Wang-ის კამპანიაში გამოჩნდა, ასევე მისი კადრები გავიდა Charlotte Tilbury-ს სარეკლამო რგოლში. თათიამ ითანამშრომლა Louis Vuitton-თან, YSL-თან, Elie Saab-სა და სხვა ცნობილ ბრენდებთან.