მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
წვიმამ და დივერსიის საფრთხემ პარიზის ოლიმპიადის გახსნას ვერაფერი დააკლო - გრანდიოზული სანახაობა: აღლუმი სენაზე, ლედი გაგა, მეჩირაღდნე ზინედინ ზიდანი და "ფრანგული სასწაული" (ფოტოები)
23:36 / 26-07-2024
წვიმიანი დღისა და საფრანგეთის რკინიგზაზე კოორდინირებული დივერსიის საფრთხის მიუხედავად, პარიზში XXXIII ოლიმპიური თამაშები მართლაც გრანდიოზული სანახაობით გაიხსნა - ულამაზესი აღლუმი სენაზე, ფრანგულად ამღერებული ლედი გაგა, შთამბეჭდავი მუსიკალური და საცეკვაო ნომრები და უამრავი სიმბოლო, რომელიც საფრანგეთის ისტორიას, კულტურას თუ მწერლობას გვახსენებდა...
შეიძლება ითქვას, რომ გახსნის თოთოეული მონაკვეთი ლამის ხელოვნების ნიმუშს წარმოადგენდა... "თავისუფლება, თანასწორობა, ძმობა“ - საფრანგეთის ეს დევიზი გახლდათ გახსნის ცერემონიის საფუძველი.
მაშ, ასე: 26 ივლისის საღამოს, საფრანგეთის დედაქალაქში შთამბეჭდავი ცერემონიით ოფიციალურად დაიწყო ზაფხულის XXXIII ოლიმპიური თამაშები.
ზაფხულის ოლიმპიადის ისტორიაში პირველად, გახსნის ცერემონიის ადგილად არა სტადიონი, არამედ მდინარე იქცა...
ოლიმპიადის მონაწილე ქვეყნების სპორტსმენების აღლუმი სწორედ მდინარე სენაზე ჩატარდა. ყველა დელეგაცია განთავსებული იყო ნავებზე, რომლებიც აღჭურვილი გახლდათ ვიდეოკამერებით, რათა მაყურებლებს, რომლებიც გახსნის ცერემონიას თვალს ტელევიზიით ან ინტერნეტით მიადევნებდნენ, სპორტსმენების ახლოდან დანახვა შეძლებოდათ.
მდინარე სენაზე აღლუმი საქართველოს დროით 21:30 საათზე დაიწყო აუსტერლიცის ხიდთან, სადაც სპორტისა და პოლიტიკის წარმომადგენლებისთვის სპეციალური ტრიბუნა იყო მოწყობილი.
სპორტსმენებმა ნავებით თითქმის ექვსი კილომეტრი გაიარეს ტროკადერომდე, სადაც ოლიმპიადის გახსნის ფინალური შოუ ჩატარდა.
- ჩირაღდანი
თანამედროვე ოლიმპიადების განუყოფელი ნაწილია საბერძნეთიდან მასპინძელ ქალაქამდე ოლიმპიური ცეცხლის მოგზაურობა.
ამჯერადაც 2024 წლის ოლიმპიადის ჩირაღდანი საბერძნეთში აინთო და 68-დღიანი მოგზაურობისა და 400 ქალაქის გავლის შემდეგ, 14 ივლისს, ბასტილიის აღების დღეს პარიზში ჩავიდა.
მას არაერეთი მეჩირაღდნე ჰყავდა. მათ შორის ლეგენდარული ფრანგი ფეხბურთელი ზინედინ ზიდანი.
ხოლო ბოლო ლოკაციამდე ჩირაღდანი შოუს ელემენტებით მიიტანა ნიღბიანმა მეჩირაღდნემ და სწორედ ზიზუს გადასცა, რომლისგან ჩირაღდანი ესპანელმა ჩოგბურთელმა რაფაელ ნადალმა გადაიბარა, მისგან კი ესტაფეტა ასევე ჩოგბურთის ამერიკელმა ლეგენდა სერენა უილიამსმა მიიღო, შემდეგი ამერიკელი მძლეოსანი კარლ ლუისი იყო. კიდევ ერთი სპორტსმენი, ვინც ამ ესტაფეტაში მიიღო მონაწილეობა რუმინელი სპორტული ტანმოვარჯიშე და ხუთგზის ოლიმპიური მედალოსანი ნადია კომენეჩია. შემდეგ ჩირაღდანი ფრანგმა ვეტერანმა ჩოგბურთელმა ამელი მორესმომ გადაიბარა. მან კი ოლიმპიური ცეცხლი ფრანგ კალათბურთელ ტონი პარკერს გადასცა, რომელმაც ჩირაღდანი ლუვრის ეზოში შეიტანა. შემდეგ კი გზა პარაოლიმპიელებთან ერთად გაგრძელდა, საბოლოოდ ფრანგული სპორტის ლეგენდებმა, მათ შორის ტენდი რინერმა, ერთობლივად ააგიზგიზეს ოლიმპიური ცეცხლი, სელენ დიონის სიმღერის ფონზე.
წლევანდელი ჩირაღდნის დიზაინი მეტიუ ლეანოს ეკუთვნის.
ფოლადისგან დამზადებული ჩირაღდანი 1.5 კილოგრამს იწონის. სიმაღლეში კი 70 სანტიმეტრია. მისი დიზაინი მდინარის ტალღების სტილშია გადაწყვეტილი, რადგან გახსნის ცერემონია მდინარე სენაზე გაიმართა.
ოლიმპიადა ოფიციალურად გახსნილად გამოაცხადა საფრანგეთის პრეზიდენტმა ემანუელ მაკრონმა, რის მერე ოლიმპიელებმა მწვრთნელებთან და მსაჯებთან ერთად ფიცი დადეს.
პარიზის 2024 წლის ოლიმპიადაში საქართველოდან 28 სპორტსმენი მონაწილეობს.
პარიზში ოლიმპიური მედლებისთვის იბრძოლებს სულ 206 ქვეყნის 10 500 სპორტსმენი.
უკრაინის წინააღმდეგ ომის გამო, საერთაშორისო ოლიმპიურმა კომიტეტმა რუსეთის და ბელარუსის წარმომადგენლებს მხოლოდ ნეიტრალური სტატუსით, დროშებისა და სხვა ეროვნული ატრიბუტიკის გარეშე მონაწილეობის უფლება მისცა.
ზაფხულის XXXIII ოლიმპიური თამაშები 11 აგვისტოს დაიხურება.
იხილეთ ასევე:
- ევაკუაცია აეროპორტში, ბომბის არსებობის საფრთხე, თავდასხმა სარკინიგზო ქსელზე - რა ხდება საფრანაგეთში ოლიმპიადის დაწყებამდე რამდენიმე საათით ადრე (ფოტოები)
- ვინ როდის იწყებს ასპარეზობას? - ზაფხულის XXXIII ოლიმპიურ თამაშებზე ქართველი ოლიმპიელების გამოსვლის განრიგი
- პარიზში ოლიმპიური "ციებ-ცხელება" იწყება - ყველაფერი ქართველ ათლეტებზე: ვინ უკვე ჩემპიონია, ვინ - რეკორდსმენი, ვინ - ფავორიტი და ვინ - დებიუტანტი?
00:00 / 00:00
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისრაელი რატომ მონაწილეობს?!!!საამმაგი მორალი!!!
რამ გამახსენა კალიგულა? (((((