მნიშვნელოვანი ინფორმაცია
23
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნასვამი იყო და ტრაბახი დაიწყო, რომ სპეციალური მისია ჰქონდა" - როგორ გეგმავდა რუსი კირილ გრიაზნოვი "ოლიმპიური თამაშების ჩაშლას"
12:18 / 26-07-2024
საფრანგეთში ოლიმპიადის პერიოდში არეულობის მოწყობის დაგეგმვის ბრალდებით, რუსეთის მოქალაქეა დაკავებული. როგორც ირკვევა, დაკავებული წარსულში რუსული რეალითი შოუს შეფ-მზარეული იყო. მას ჯაშუშობას ედავებიან. გავრცელებული ინფორმაციით, რუსი მამაკაცი ნასვამ მდგომარეობაში ყოფნის დროს ტრაბახობდა, რომ პარიზის ოლიმპიადაზე არეულობას მოაწყობდა. სწორედ ამის შემდეგ დაიწყეს მისი თვალთვალი.
- 40 წლის კირილ გრიაზნოვი პარიზში, თავის ბინაში დააკავეს მას შემდეგ, რაც ევროპული სადაზვერვო სააგენტოების წარმომადგენლები აკვირდებოდნენ მის მოქმედებებს თვეების განმავლობაში.
მედიის ცნობით, სამართალდამცველებმა გრიაზნოვის ბინის ჩხრეკისას აღმოაჩინეს მასალა, რომელიც ამტკიცებს მის კავშირს რუსეთის უშიშროების ფედერალურ სამსახურთან (FSB). დაზვერვის წარმომადგენლებმა აღმოაჩინეს "მასშტაბური პროექტი“, გეგმა პრორუსული ოპერაციის, რომელიც ოლიმპიადის დროს დესტაბილიზაციის მოწყობას გულისხმობდა.
- გრიაზნოვს მაისიდან ადევნებდნენ თვალს. მაისში, სავარაუდო ჯაშუში, სტამბოლიდან პარიზში უნდა გაფრენილიყო, თუმცა ბორტზე არ აუშვეს, რადგან ძალიან მთვრალი იყო. ამის შემდეგ ის ბულგარეთში წავიდა, რათა ბულგარეთიდან გაფრენილიყო პარიზში. შევიდა ერთ-ერთ რესტორანში, საიდანაც მოსკოვში დაზვერვის თანამშრომლებს დაურეკა.
ის ნასვამ მდგომარეობაში ყოფნისას ტრაბახობდა თავის უფროსთან, გარდა ამისა, პარიზში მეზობლებსაც კი უთხრა, რომ სპეციალური მისია ჰქონდა - ოლიმპიური თამაშების ჩაშლა. მოგვიანებით, როდესაც უკვე დაიწყეს თვალთვალი, ცნობილი გახდა, რომ მამაკაცს მჭიდრო კავშირი ჰქონდა რუსული დაზვერვის სამსახურებთან.
საფრანგეთის დედაქალაქში გადასვლამდე გრიაზნოვმა დაამთავრა რუსეთის პერმის სახელმწიფო უნივერსიტეტის იურიდიული ფაკულტეტი და შემდეგ გამოდიოდა შოუში "ამირჩიე მე“, სადაც წარმატებულ ბიზნესმენად წარმოაჩენდა თავს. რუსეთში ის ცნობილი ადამიანია და ინსტაგრამზე 100 000-ზე მეტი გამომწერი ჰყავს. მედიის ცნობით, ის საფრანგეთში 14 წელი ცხოვრობდა. 2010 წელს შეფ მზარეულობას სწავლობდა პარიზის Le Cordon Bleu-ში. მალევე ის გახდა შეფ მზარეული რესტორანში, რომელიც მიშლენის ვარსკვლავის მფლობელია. რესტორანი კი ალპებში მდებარეობს და რუსი ოლიგარქების საყვარელი ადგილია.
აღმოაჩინეს ასევე საიდუმლო დოკუმენტები, რომელიც ჩეჩნეთის ომის ვეტერანს, მაიორ ანდრეი ბელიაშოვს უკავშირდება. ასევე აღმოჩნდა, რომ ის ხშირად იღებდა თხოვნებს რუსეთის დაზვერვის ოფიცრების პროფილების გადამოწმების შესახებ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
