პრინცესა დაიანას "ინტიმური" წერილები აუქციონზე გაიყიდება - რას სწერდა ის ქორწილამდე 3 კვირით ადრე გამზრდელს?
პრინცესა დაიანას ხელნაწერი "ინტიმური" წერილები და ბარათები 30 ივლისს, სტენსტედ მაუნტფიტჩეტში აუქციონზე გაიყიდება. დაიანა წერილებს მისი ოჯახის, პარკ ჰაუსის დიასახლისს და გამზრდელს - ვიოლეტ კოლისონს, იგივე "კოლის" სწერდა, სადაც პრინცესამ ბავშვობის წლები გაატარა.
ცნობილია, რომ ისინი ძალიან ახლოს იყვნენ ერთმანეთთან და დაიანა ქორწინების შემდეგაც არ წყვეტდა “კოლისთან“ ურთიერთობას.
როგორც წერილებიდან ირკვევა, დიასახლისმა პრინცებს: უილიამს და ჰარის საჩუქრები გაუგზავნა, რაზეც დაიანამ მადლობის წერილებითა და საშობაო ბარათებით უპასუხა.
მოსალოდნელია, რომ ისინი ათასობით ფუნტად გაიყიდება.
აღსანიშნავია, რომ ბუკინგემის სასახლის ბარათზე დაწერილი ერთ-ერთი წერილი დაიანას პრინც ჩარლზთან ქორწილამდე სულ რაღაც სამი კვირით ადრე იყო გაგზავნილი.
“აქ ყველა დაძაბული და დაკავებულია ბოლო წუთების დეკორაციით. თუმცა, მომავალი პატარძალი სიმშვიდეს ინარჩუნებს“, - წერდა დაიანა “კოლის“.
ერთ-ერთ წერილში, რომელიც 1984 წლის სექტემბრით არის დათარიღებული, პრინცესა მადლობას უხდის თავის ყოფილ დიასახლისს საჩუქრისთვის.
"უილიამი აღმერთებს თავის პატარა ძმას, გაუთავებლად კოცნის და ეხუტება ჰარის“,- წერდა დაიანა.
Sworders-ის აუქციონერის დირექტორის, ლუკ მაკდონალდის თქმით წერილები “საკმაოდ ინტიმურია.“
”ეს არის ის, რასაც სხვაგვარად ვერსადროს გავიგებდით სამეფო ოჯახის შესახებ. ის ფაქტი, რომ მას სურდა განსაკუთრებული მადლობა ეთქვა საჩუქრებისთვის - ნამდვილად მეტყველებს იმაზე, თუ რამდენად კეთილი, გულუხვი და მზრუნველი იყო დაიანა“,- აღნიშნა მან.
ქალბატონი კოლისონი გარდაცვალებამდე ინარჩუნებდა პრინცებთან კონტაქტს და ზრუნავდა მათზე.