ინსტაგრამმა წაშალა ნიგერიაში შექმნილი 63 000 ექაუნთი, რომლებიც ინტიმური ფოტოებით შანტაჟში არიან ეჭვმიტანილები
ინსტაგრამისა და ფეისბუქის მფლობელმა META- მ გაავრცელა ინფორმაცია, რომ წაშალა ნიგერიაში შექმნილი ათიათასობით ექაუნთი, რომლებიც შესაძლოა ინტიმური სურათებით შანტაჟში და ფულის გამოძალვის კრიმინალურ სქემებში იყვნენ ჩართულნი.
როგორც წესი, ასეთი თაღლითები ქმნიან პროფილს ლამაზი გოგოს სახელით და მიმოწერას იწყებენ სხვადასხვა ადამიანებთან, მათ შორის მოზარდებთან. დაახლოების შემდეგ მათ ინტიმური ფოტოების ან ვიდეოს გადაგზავნას სთხოვენ, რომლებიც შემდეგ შანტაჟისთვის და ფულის გამოძალვისთვის გამოიყენება.
ასეთი გამოძალვის ზოგიერთმა მსხვერპლმა სიცოცხლე თვითმკვლელობით დაასრულა.
META- მ თავის ბლოგზე გაავრცელა ინფორმაცია, რომ წაშალა დაახლოებით 63 000 მომხმარებლის ექაუნთი, რომლებიც მსგავს თაღლითურ სქემებში იყვნენ ჩართულები.
”შანტაჟი სურათებით არის საშინელი დანაშაული, რომელსაც შეიძლება ჰქონდეს ძალიან დამანგრეველი შედეგები”, - ნათქვამია მეტას განცხადებაში.
კომპანიამ ასევე განაცხადა, რომ წაშალა 5700 ფეისბუქის გვერდი, სადაც თაღლითები იკრიბებოდნენ ჯგუფურად და ერთმანეთს რჩევებს აძლევდნენ, თუ როგორ უნდა მოეტყუებინათ ხალხი.
META- ს ინფორმაციით, სექსუალური შანტაჟის თაღლითობაში მონაწილეობისთვის ამოღებული ანგარიშები დაკავშირებულია კიბერკრიმინალთა არაფორმალურ ნიგერიულ ქსელთან, რომელიც ცნობილია როგორც "Yahoo Boys".