"ეს სცენა ჩემსა და ტომს შორის იყო, საწოლში ვარ, ვიცინი და..." - ნიკოლ კიდმანი ტომ კრუზთან ურთიერთობას იხსენებს
წლების წინ ნიკოლ კიდმანისა და ტომ კრუზის წყვილი ჰოლივუდის ერთ-ერთ ყველაზე ლამაზ წყვილად მიიჩნეოდა, თუმცა მათი ურთიერთობა დასრულდა. ნიკოლი ყოფილ ქმარზე იშვიათად საუბრობს ხოლმე, თუმცა ამჯერად, გამონაკლისი დაუშვა.
- მსახიობმა Los Angeles Times-თან ინტერვიუში 1999 წელს გამოსული ფილმი "ფართოდ დახუჭული თვალები" გაიხსენა. ფილმში მისი პარტნიორი ტომ კრუზი იყო.
სტენლი კუბრიკის ფილმის გადაღებიდან 25 წელი გავიდა. როდესაც ნიკოლს ჰკითხეს, პროექტისთვის რეჟისორი იღებდა თუ არა შთაგონებას მათი ქორწინებიდან, მსახიობმა უპასუხა: "ვფიქრობ, ის ამას იკვლევდა".
- "იყო თემები, რომლებიც აინტერესებდა. ბევრ კითხვას სვამდა. მაგრამ ჰქონდა მკაფიო წარმოდგენა იმ ისტორიაზე, რომელსაც ყვებოდა", - ამბობს მსახიობი.
კიდმანმა ასევე გაიხსენა, რომ ფილმის გადაღებისას ტომთან ერთად იზიარებდა ქარავანს.
"მე და ტომი ერთ ქარავანში ვცხოვრობდით, რადგან სტენლი ამბობდა: “ცალ-ცალკე ქარავანი ვერ გეყოლებათ, ჩვენ ამის საშუალება არ გვაქვს". - ამბობს ჰოლივუდის ვარსკვლავი. ნიკოლმა ისიც გაიხსენა, რომ შესვენებისას კრუზი ხშირად ერთობოდა ვიდეო თამაშებით, როგორიცაა Minesweeper.
- გარდა ამისა, როგორც კიდმანმა თქვა, კვირების განმავლობაში იღებდნენ ერთ სცენას, რომელიც საბოლოოდ ამოჭრეს.
"ეს სცენა ჩემსა და ტომს შორის იყო, საწოლში მოწევას ვიწყებ, ვიცინი და გრძელ მონოლოგს ვამბობ. ამის გადაღებას ბევრი კვირა დასჭირდა. რეპეტიცია საძინებელში მიწევდა, შემდეგ მას (რეჟისორს) არ მოსწონდა, სცენას პროცესში ვცვლიდით", - ამბობს ნიკოლი.
ნიკოლ კიდმანი და ტომ კრუზი 2001 წელს განქორწინდნენ. 2006 წელს ნიკოლმა კიტ ურბანზე იქორწინა.
კრუზი 2006-დან 2012 წლამდე კეტი ჰოლმსზე იყო დაქორწინებული.