მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სამხრეთ კორეაში გონების დისტანციურად კონტროლის მოწყობილობა შექმნეს - მეცნიერებს აფრთხილებენ: ადამიანებზე მისი გამოცდა ნაჩქარევად არ დაიწყონ
17:00 / 23-07-2024
სამხრეთ კორეაში გონების დისტანციურად კონტროლის მოწყობილობა შექმნეს, რომელსაც ”შორი მანძილის” მოწყობილობას ეძახიან - გეგმის თანახმად, შესაძლოა, ეს ტექნოლოგია “არაინვაზიური” სამედიცინო პროცედურებისთვის იქნას გამოყენებული.
აპარატურა, რომელიც ტვინზე შორი მანძილიდან, მაგნიტური ველების გამოყენებით მანიპულირებს, კორეის ძირითადი მეცნიერების ინსტიტუტის (IBS) მკვლევრებმა შექმნეს. ის მდედრ საცდელ სუბიექტებში: თაგვებში უკვე გამოსცადეს.
მეორე ცდაში, მათ საცდელი თაგვების ჯგუფი მაგნიტური ველების ზემოქმედების ქვეშ ამყოფეს, რომლებიც შექმნილი იყო მადის შესამცირებლად. შედეგი დადებითი იყო - თაგვების სხეულის წონა 10 პროცენტით, დაახლოებით 4.3 გრამით შემცირდა.
“ეს არის მსოფლიოში პირველი ტექნოლოგია, რომელიც თავისუფლად აკონტროლებს ტვინის კონკრეტულ რეგიონებს მაგნიტური ველების გამოყენებით”, - განაცხადა ქიმიისა და ნანომედიცინის პროფესორმა.
როგორც სამხრეთ კორეის IBS ნანომედიცინის ცენტრის დირექტორმა, დოქტორმა ჩეონ ჯინუუმ განაცხადა, ის მოელის, რომ ახალი აპარატურა გამოყენებული იქნება ჯანდაცვის სხვადასხვა სფეროსთვის, სადაც ის საჭირო იქნება.
“ველით, რომ ის ფართოდ იქნება გამოყენებული კვლევაში ტვინის ფუნქციების გასაგებად, დახვეწილი ხელოვნური ნეირონული ქსელებისთვის, ორმხრივი ტვინ-კომპიუტერის ინტერფეისის ტექნოლოგიებისთვის და ნევროლოგიური დარღვევების ინოვაციური მკურნალობებისთვის”, - განაცხადა დოქტორმა ჩეონმა.
ჯანდაცვის ექსპერტებმა აღნიშნეს, რომ მაგნიტური ველები წარმატებით გამოიყენებოდა სამედიცინო ვიზუალიზაციაში ათწლეულების განმავლობაში.
“ბიოლოგიური სისტემების მანიპულირებისთვის მაგნიტური ველების გამოყენების კონცეფცია კარგად არის დამკვიდრებული”, - დაწერა დოქტორმა ფელიქს ლეროიმ, ესპანეთის ნეირომეცნიერების ინსტიტუტის უფროსმა მეცნიერმა, თანმხლებ სარედაქციო სტატიაში Nature Nanotechnology-ში გამოქვეყნებულ ახალ კვლევასთან ერთად.
“მას სხვადასხვა სფეროში გამოიყენებდნენ. ასეთებია მაგნიტურ-რეზონანსული გამოსახულება (MRI), ტრანსკრანიული მაგნიტური სტიმულაცია და მაგნიტური ჰიპერთერმია კიბოს მკურნალობისთვის”.
სიახლე, რომელიც სამხრეთ კორეის IBS გუნდმა დაამატა, იყო სპეციალიზებული ნანომასალების გენეტიკური ფაბრიკაცია. შესაძლებელი იყო ამ ნანომასალების ტვინის ნეირონებთან მორგება შორიდან, ფრთხილად შერჩეული მაგნიტური ველების მეშვეობით.
ტექნიკა, ოფიციალურად წოდებული მაგნეტო-მექანიკური გენეტიკად (MMG), დოქტორ ჩეონს და მის კოლეგებს ტვინის მოდულირების ტექნოლოგიის განვითარებაში დაეხმარა.
ახალ კვლევაში, რომელიც ა.წ. ივლისში Nature Nanotechnology-ში გამოქვეყნდა, გუნდმა გამოგონებას Nano-MIND უწოდა, რაც**Nano-Magnetogenetic Interface for NeuroDynamics**-ის აბრევიატურაა.
მეცნიერებმა სპეციალურ თაგვებზე მათი ექსპერიმენტებისთვის გენების ჩანაცვლების ტექნიკა გამოიყენეს, რომელიც მკვლევარებისთვის ცნობილია, როგორც Cre-Lox რეკომბინაცია. გენეტიკურად მოდიფიცირებულ ლაბორატორიულ თაგვებს განუვითარდათ უფრო მაგნიტურად მგრძნობიარე “იონური არხები”, რომლებიც მოქმედებენ, როგორც კარიბჭეები მათ ნეირონებსა ან ნერვული სისტემის უჯრედებში.
ჯგუფის დედობრივი ინსტინქტების ტესტში, MMG სტიმულაციამ ზოგი მდედრი ლაბორატორიული ვირთხა წაახალისა, ლაბირინთის მსგავს მოწყობილობაში უფრო სწრაფად მოეძებნათ და შეეგროვებინათ დაკარგული პატარა ვირთხები. მკვლევარების ინფორმაციით, Nano-MIND-ით სტიმულირებულმა მდედრმა ვირთხებმა უფრო სწრაფად დაიწყეს პატარებთან მიახლოება - საშუალოდ, 16 წამით უფრო სწრაფად - და “სწრაფად დაიჭირეს ისინი”.
გუნდმა ასევე ჩაატარა ორკვირიანი ექსპერიმენტი საკონტროლო ჯგუფისა და ექსპერიმენტული ჯგუფის თაგვებზე იმის შესახებ, თუ როგორ მოახდენდნენ რეაგირებას ეს გენეტიკურად მოდიფიცირებული ცხოველები Nano-MIND-ის მაგნიტურ იმპულსებზე, რომლებიც მათ უფრო მეტი ან ნაკლები ჭამისკენ უბიძგებდა.
ტექნოლოგიამ შეძლო, წაეხალისებინა თაგვები როგორც მეტი, ასევე ნაკლები საკვების მიღებისკენ. იმ თაგვებმა, რომლებსაც მეტი კვება ჰქონდათ, საშუალოდ 7.5 გრამით მოიმატეს, რაც სხეულის წონის დაახლოებით 18-პროცენტიან მატებას ნიშნავს.
ხოლო თაგვებმა, რომლებიც ნაკლებს ჭამდნენ, 10-პროცენტიანი კლება აჩვენეს სხეულის წონაში, რაც დაახლოებით 4.3 გრამს გულისხმობს.
“შემცირებულმა კვებამ არ იმოქმედა ლოკომოციაზე”, - დაწერეს მათ, რაც ნიშნავს, რომ ეფექტი მხოლოდ მადაზე გავრცელდა და სხვაგვარად თაგვების ოპერირების უნარები არ შეუზღუდია.
დოქტორი ჩეონის და მისი გუნდის თქმით, ტექნოლოგია ყველაზე უშუალო გამოყენებას ჰპოვებს ჯანმრთელობის მკვლევარებისთვის იმის გასაგებად, თუ ტვინისა და დანარჩენი ნევროლოგიური სისტემის რომელი ნაწილები რომელ განწყობებზე და სხვა ქცევებზეა პასუხისმგებელი. თუმცა, Nano-MIND ინოვაციასა და მის გენების ჩანაცვლების ასპექტზე თავის სარედაქციო სტატიაში, დოქტორმა ლეროიმ ადამიანებზე ტესტირებაზე ნაჩქარევად გადასვლის შესახებ მეცნიერებს სიფრთხილისკენ მოუწოდა.
"პოტენციური კუმულაციური ეფექტების შესაფასებლად საჭიროა შემდგომი, მათ შორის, ნეიროადაპტაციის ან ნეიროტოქსიკურობის კვლევები”, - აცხადებს ის.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
