"ივანიშვილმა გააცნობიერა, რომ აფხაზებთან ბრძოლა არ არის საჭირო. რომ აფხაზები თავად გაყიდიან ყველაფერს და თან, იაფად" - რას შიშობენ ოკუპირებულ აფხაზეთში?
ოკუპირებულ აფხაზეთში ე.წ. ოპოზიციონერი, პოლიტიკური პარტია "აფსნის“ თავმჯდომარე ვიტალი გაბნია გამოეხმაურა დე ფაქტო ხელისუფლების ინიციატივას აფხაზეთის აღმოსავლეთ ნაწილში ბინების აშენების შესახებ.
- "წარმოდგენილი კანონი არის „ტროას ცხენი“ ჩვენი სახელმწიფოებრიობისთვის და კვეთს იმ გზას, რომელიც აფხაზებმა გაიარეს"- განაცხადა მან.
"გალით არც ერთი რუსია დაინტერესებული, დაინტერესებულია ივანიშვილი, რომელმაც გააცნობიერა, რომ აფხაზებთან ბრძოლა არ არის საჭირო. რომ აფხაზები თავად გაყიდიან ყველაფერს და თან იაფად. ნუ დაადგებით პალესტინის გზას, რომელმაც მიწა ფულზე გაცვალა", - მიმართა გაბნიამ ე.წ. პარლამენტის "დეპუტატებს".
გაბნია დარწმუნებულია, რომ "არავინ ახორციელებს ზეწოლას მოსკოვიდან აფხაზეთის პრეზიდენტ ასლან ბჟანიაზე“.
მანამდე აფხაზმა ოპოზიციონერმა პოლიტიკოსმა ლევან მიქაამ განაცხადა, რომ ივანიშვილს ქართული წარმოშობის რუსი ოლიგარქების რესურსებით აფხაზური აქტივების შეძენა სურს.