მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“კარგად დაგეგმილი პროვოკაცია ქალბატონი ნანას მეშვეობით განახორციელეს - მიზანი იყო ჩემი უმწიკვლო პოლიტიკური რეპუტაციისთვის ზიანი მიეყენებინათ“ - “ტვ 24-ის“ დამფუძნებელი სკანდალურ ბრალდებებს პასუხობს
17:33 / 21-07-2024
ცოტა ხნის წინ ცნობილი გახდა, რომ ტვ 24 დატოვა არხის დირექტორმა ნანა ლეჟავამ. წამოსვლის მიზეზებზე მან სოციალურ ქსელში ისაუბრა და აღნიშნა, რომ ის "თაღლითების მსხვერპლი აღმოჩნდა".
აღნიშნული კონფლიქტის შესახებ ინფორმაცია გაავრცელა ტვ24-ის დამფუძნებელმა. “თაობები საქართველოსთვის“ თავმჯდომარე შოთა შალელაშვილი ნანა ლეჟავასთან არსებული უთანხმოების დეტალებს წერს:
“ტვ24- თან დაკავშირებით, რომელიც ჩემი ოჯახის საკუთრებაა, მინდა ნათელი მოვფინო ჩვენ მონაწილეობას ტელევიზიაში მომხდარ გაუგებრობასთან დაკავშირებით, რასაც ქალბატონი ნანა ლეჟავა თაღლითობას უწოდებს და უშვერი სიტყვებით ილანძღება.
დასაწყისათვის მინდა გითხრათ, რომ, ეგ იყო აბსოლუტურად დამოუკიდებელი ტელევიზია, სამუშაო პროცესის დაწყებიდან ქალბატონ ნანასთან არავითარი შეხება არ მქონია და ბუნებაშიც არ არსებობს არცერთი შემთხვევა, რომ რაიმე ფორმით ჩარეული ვიყავით მის მართვაში, და ის, რომ ხელფასები არ გადაუხადეს არის ურცხვი ცილისწამება. პირიქით, ბიუჯეტით გათვალისწინებულის ნაცვლად მეტი მიიღეს.
როდესაც ჩვენმა ოჯახმა იყიდა ტვ24- ის ლიცენზია, გადაწყვეტილი გვქონდა არჩევნების შემდეგ დაეწყო მაუწყებლობა, იმიტომ რომ ძალიან დიდი ყურადღება და დრო სჭირდებოდა ტელევიზიის შექმნასა და მის ეთერში გასვლას, რაც ფიზიკურად არ შეგვეძლო.
ჩემმა მეგობარმა და პოლიტიკურმა პარტნიორმა სანდრო თოფურიამ - რომელსაც აგრეთვე ქალბატონი ნანა ათასგვარ ცილს სწამებს, მითხრა რომ ქალბატონი ნანა ლეჟავა გაიცნო და ის ჩაუდგებოდა ტელევეზიას სათავეში, რაზედაც ჩემმა მეუღლემ თანხმობა განაცხადა. ქალბატონ ნანასთან არავითარი მოლაპარაკება არც კომერციულ, არც არხის რედაქციის პოლიტიკაზე ჩვენ არ მიგვიღია. ქალბატონ ნანას და სანდროს განვუცხადეთ რომ ჩვენ ვაშენებდით დაბალ ბიუჯეტიან ტელევიზიას, მოვუნიშნეთ ტელევიზიის ბიუჯეტი და თანამშრომლების რაოდენობის რიცხვი.
აქედან მოყოლებული ჩვენ ტელევიზიასთან დაკავშირებით არავითარი კონტაქტი და ურთიერთობები აღარ გაგვაჩნდა, გარდა იმ გამონაკლისისა, როდესაც სანდროს წარუდგენდნენ ბიუჯეტით გაუთვალიწინებელ ხარჯებს, რასაც რა თქმა უნდა, ჩვენ არ ვთანხმდებოდით.
- ტელევიზიის ეთერში გაშვებიდან ოცი დღის თავზე ქალბატონმა ნანამ და კოლექტივმა შეწყვიტეს მაუწყებლობა ყოველგვარი მიზეზის გარეშე. ჩვენ ამ ყველაფერს ვაფასებთ, ჩვენი ოჯახის წინააღმდეგ კარგად დაგეგმილ პროვოკაციად, რომელიც ქალბატონი ნანას მეშვეობით განახორციელეს, რომლის მიზანიც იყო პოლიტიკური ზიანი მიეყენებინა ჩემი უმწიკვლო რეპუტაციისათვის.
რაც შეეხება კონფლიქტის მიზეზს თუ საიდან რა და როგორ დაიწყო, ორივე მხარის მოსმენის შემდეგ, მე ვთვლი რომ სრული თავისუფლებისათვის და ტელევიზიის მართვის სადავეების ჩაგდების მიზნით, გადაწყვიტეს სანდროს ჩამოშორება. რასაც, რა თქმა უნდა ჩვენ არ დავთანხმდით. სანდროს რეკომენდაციით მოყვანილ ხალხს, სანდროსვე მოშორება უნდოდათ. ამიტომ ჩვენ ვერავითარ შემთხვევაში ამ კოლექტივის იმედზე ვერ დავრჩებოდით სანდროს გარეშე. მქონდა მცდელიბა რომ გაუგებრობა გადამელახა და დამესვა ორივე მხარე მოლაპარაკებების მაგიდასთან, ყველაფერი გამეკეთებინა რომ ტელევიზია არ გამორთულიყო, მაგრამ ქალბატონმა ნანამ კატეგორიულად არ მოისურვა არაფრის მოსმენა, საიდანაც დასკვნა გამომაქვს რომ მას დაავალეს ქვეყანაში ერთადერთი ობიექტური ტელევიზია, რომელიც არავითარ დავალებებეს არ იღებდა მეპატრონისგან, არ ყოფილიყო ეთერში.
P.S. ბატონი სანდრო თოფურია თუ ჩათვლის, რომ სურს ისაუბროს ქალბატონ ნანასთან კონფლიქტის მიზეზებზე, დარწმუნებული ვარ ის მას გააკეთებს ისეთი ფორმით როგორიც მის ადამიანობას შეეფერება. მისი ზრდილობა და აღზრდა შეაძლებინებს მას იყოს კორექტული მიზეზებზე საუბრის დროს, როგორი მძიმეც არ უნდა იყოს ეს მისთვის“ - წერს შალელაშვილი.
შეგახსენებთ, რომ ტელეკომპანია TV24 კონფლიქტის ფონზე დატოვეს არხის დირექტორმა ნანა ლეჟავამ და თანამშრომლების ნაწილმა.
ასევე იხილეთ:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
