"ამ სიმპათიურმა ჯენტლმენმა მათხოვა ფეხსაცმელი, თავად კი წინდებით გადაადგილდებოდა" - რა ვიდეოს აქვეყნებს ხატია ბუნიათიშვილი?
ხატია ბუნიათიშვილმა პარიზში მორიგი კონცერტი გამართა. როგორც პიანისტის მიერ სოციალურ ქსელში გამოქვეყნებული ვიდეოდან ირკვევა, იმისთვის, რომ არ დაეგვიანა, გარკვეული მანძილი საკონცერტო დარბაზამდე ფეხით გაიარა. შეიძლება ამ ამბავში არაფერი უჩვეულო არც ყოფილიყო, რომ არა, ცნობილი პიანისტის მიერ გამოქვეყნებული ვიდეო, რომელშიც ჩანს, რომ ულამაზესი საღამოს კაბა და რამდენიმე ზომით დიდი მამაკაცის, ფეხსაცმელი აცვია.
როგორც ვიდეოს აღწერიდან ირკვევა, იმისთვის, რომ ხატიას კონცერტზე არ დაეგვიანა, პარიზული საცობების გამო ფეხით მოუწია გადაადგილება, რაც საკონცერტო ფეხსაცმელით შეუძლებელი იყო. საქმე ფრანგმა მამაკაცმა გაუადვილა...
"პარიზის კონცერტზე სცენაზე გასვლამდე. 20-წუთიანი მარათონი კონცერტამდე, რათა თავიდან აიცილოთ გაუთავებელი მოძრაობა ქალაქში.
ამ სიმპათიურმა ჯენტლმენმა მათხოვა ფეხსაცმელი, თავად კი წინდებით გადაადგილდებოდა. მან გადამარჩინა დაგვიანებას. ძალიან გლამურული არ არის, მაგრამ ოლიმპიურია", - წერს პიანისტი ვიდეოს აღწერაში.
წაიკითხეთ ასევე: