მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ძებნილი ცხრა სიცოცხლით" - რა არის ცნობილი ჰამასის სამხედრო ფრთის მეთაურზე, რომელიც ისრაელზე თავდასხმის ერთ-ერთი ორგანიზატორია
18:45 / 21-07-2024
ჰამასის სამხედრო ფრთის ხელმძღვანელი მუჰამედ დეიფი ისრაელის სამხედროების ერთ-ერთი მთავარი სამიზნეა. რადიკალური ჯგუფის ერთ-ერთი ლიდერის ლიკვიდაციას ისრაელი რამდენიმე წელია ცდილობს. ზუსტად არავისთვის არის ცნობილი დეიფის ადგილმდებარეობა და ცოცხალია თუ არა ის საერთოდ.
ისრაელმა ღაზაში, ბოლო დღეებში რამდენიმე დარტყმა განახორციელა, მათ შორის ლტოლვილთა ბანაკსა და გაეროს რამდენიმე სკოლაზე, სადაც მშვიდობიანი მოქალაქეები აფარებდნენ თავს. ისრაელის სამხედროებმა განაცხადეს, რომ დაბომბვას ორი ადამიანი ემსხვერპლა: ჰამასის სამხედრო ფრთის მეთაური მუჰამედ დეიფი და მისი ახლო თანამოაზრე რაფა სალამა.
ისრაელი აცხადებს, რომ თავდასხმა ჰამასის სამხედრო ლიდერებზე დამიზნებით მოხდა. თუმცა, თავის მხრივ ჰამასმა გაავრცელა ინფორმაცია, რომ ღაზაში ისრაელის თავდასხმას 90 ადამიანი ემსხვერპლა.
- ურთიერთგამომრიცხავი ინფორმაცია გავრცელდა კვირას. ჰამასის ოფიციალურმა წარმომადგენელმა თქვა, რომ დეიფი "კარგად იყო და უშუალოდ აკონტროლებდა ოპერაციებს". ისრაელის ორმა ოფიციალურმა პირმა ბლინკენს განუცხადა, რომ "ისინი ჯერ არ არიან დარწმუნებული" დეიფის ბედში.
ეს არ არის პირველი შემთხვევა, როდესაც ისრაელის სადაზვერვო სამსახურები დეიფის ლიკვიდაციას ცდილობდნენ. ითვლება, რომ ის უაღრესად მნიშვნელოვანი ფიგურაა ჰამასის ხელმძღვანელობაში.
"ადამიანი ცხრა სიცოცხლით" - ვინ არის მუჰამედ დეიფი
ციხიდან გაქცევის და სულ მცირე, მისი შვიდჯერ მკვლელობის მცდელობის მიუხედავად, ისევ ცოცხლად გადარჩენის შემდეგ, დეიფს თითქმის მითიური სტატუსი აქვს ღაზას სექტორში. ინფორმაცია მასზე მწირია. თუმცა, ცნობები, რომელიც ისრაელისა და პალესტინის მედიიდან მოდის, მის პრორტრეტს შეძლებისდაგვარად ხატავს.
დეიფი ღაზაში, ხან იუნის ლტოლვილთა ბანაკში, 1965 წელს დაიბადა. მაშინ ეს ტერიტორია ეგვიპტის მიერ იყო ოკუპირებული.
დეიფის ნამდვილი სახელია მუჰამედ დიაბ ალ-მასრი (ასევე ცნობილია როგორც აბუ ხალედი ან ალ-დეიფი). ის ხელმძღვანელობს ჰამასის გასამხედროებულ ფრთას, იზ ალ-დინ ალ-კასამ ბრიგადებს. პალესტინელები მას ჰამასის “ტვინს“ უწოდებენ.
მან ბაკალავრის ხარისხი ღაზას ისლამურ უნივერსიტეტში სწავლის შემდეგ მიიღო. სტუდენტობის წლებში ცნობილი იყო მსახიობობის (და ზოგადად თეატრის) სიყვარულით და იქ სასცენო დასიც კი ჩამოაყალიბა.
როდესაც 1987 წელს ჰამასი შეიქმნა, დეიფი ერთ-ერთი პირველი იყო, ვინც მის რიგებს შეუერთდა. 1989 წელს ის ისრაელის ხელისუფლებამ დააპატიმრა და წელიწადზე მეტი გაატარა გისოსებს მიღმა.
პატიმრობის დროს დეიფი ზაქარია ალ-შორბაგისა და სალაჰ შეჰადეს დასთანხმდა, რომ ერთად შეექმნათ ჰამასისგან განცალკევებული ჯგუფი. მიზანი კი ისრაელის ჯარისკაცების დატყვევება იქნებოდა. დღეს ცნოლბილი როგორც “ალ-ქასამის ბრიგადები“. ციხიდან გათავისუფლებულმა დეიფმა ბრიგადები ერთ სამხედრო ფორმირებაში გააერთიანა და რამდენიმე ბრიგადის ხელმძღვანელებთან ერთად, მისი ერთ-ერთი დამფუძნებელი გახდა.
დეიფი მონაწილეობდა ჰამასის“ საფირმო იარაღის“ - რაკეტის და ღაზას ქვეშ არსებული გვირაბების შემუშავებაში. გვირაბებს ჰამასის მებრძოლები ისრაელის ტერიტორიაზე შესაღწევად იყენებდნენ. ითვლება, რომ დეიფი სწორედ ამ გვირაბებში ატარებს დროის უმეტეს , საიდანაც ჰამასის ოპერაციების ხელმძღვანელობას.
თუმცა, მის წინააღმდეგ ყველაზე სერიოზული ბრალდება არის 1990-იანი წლების შუა ხანებში სამი ისრაელელი ჯარისკაცის დატყვევებასა და მკვლელობაში მონაწილეობა.
პალესტინური დაჯგუფება ჰამასი: წარმოშობა, მიზნები, მოკავშირეები
2000 წელს ისრაელის ხელისუფლებამ მოახერხა მისი დაკავება და კიდევ ერთხელ დაპატიმრება, მაგრამ დეიფი გაიქცა... მისი მხოლოდ სამი სურათია ცნობილი: ერთი ფოტო გადაღებულია მრავალი წლის წინ, როდესაც ის ჯერ კიდევ ძალიან ახალგაზრდა იყო. ბოლო ორი კი მოგვიანებით.
”ის განიხილება, როგორც ჰამასის განსაკუთრებით მკაცრი სპიკერი”, - ამბობს აშშ-ს სახელმწიფო დეპარტამენტის ყოფილი მრჩეველი ანტიტერორისტული საკითხებში, ახლო აღმოსავლეთის უსაფრთხოების ანალიტიკოსი მეთიუ ლევიტი. მისი თქმით, დეიფი ახლოს იყო ჰამასის ყველაზე მებრძოლ მეთაურებთან, განსაკუთრებით იაჰია აიაშთან.
დამფუძნებლის სალაჰ შეჰადის მკვლელობის შემდეგ, 2002 წელს ის ხელმძღვანელობდა ჰამასის სამხედრო ფრთას.
მასზე განხორციელებულ თავდასხმებს შორის, ყველაზე ცნობილია 2022 წელს მომხდარი თავდასხმა, სადაც, ისრაელის ხელისუფლების ცნობით, მან დაკარგა ფეხი.
2014 წელს, ღაზას სექტორში ისრაელის ოპერაციის დროს, რომელიც თითქმის რვა კვირა გაგრძელდა, ისრაელის სამხედროებმა მოკლეს მისი ცოლი და ორი შვილი, მაგრამ თავად დეიფმა კვლავ მოახერხა გაქცევა.
მეტსახელი “აბუ ხალედი“ მას შემდეგ მიიღო, რაც ამ სახელით ითამაშა სპექტაკლში “კლოუნი“. ნამდვილი აბუ ხალედი, ისტორიული პიროვნება, ადრეულ შუა საუკუნეებში ცხოვრობდა. თავად სიტყვა "დეიფი" არაბულად ნიშნავს "სტუმარს". ეს მეტსახელი მან იმიტომ აირჩია, რომ დიდხანს არსად რჩება, ყოველ ღამეს ახალ ადგილას ატარებს, რათა ისრაელის სპეცსამსახურებმა ვერ იპოვონ.
უშიშროების ექსპერტების თქმით, ისრაელის სამხედროებისგან თავის დაღწევის ეს უნარი ნაწილობრივ განპირობებულია თანამედროვე საკომუნიკაციო ტექნოლოგიების არ ქონით.
”თუ არ გაქვთ ტელეფონები, არ გაქვთ კომპიუტერები, არსებობს გზები, რათა გაურთულდეს თანამედროვე სადაზვერვო სააგენტოებს იმის ცოდნა, თუ სად ხართ”, - თქვა ლევიტმა.
ღაზას ქუჩებშიც კი ცოტა ადამიანი ცნობს დეიფს...
ისრაელი მას 1996 წელს ავტობუსების აფეთქებების დაგეგმვასა და ხელმძღვანელობაში ადანაშაულებს, რამაც ათობით სიცოცხლე შეიწირა. ითვლება, რომ ის იყო გასული წლის 7 ოქტომბერს ისრაელზე თავდასხმის ერთ-ერთი დამგეგმავი, რომლის დროსაც დაახლოებით 1200 ისრაელელი და უცხოელი - ძირითადად მშვიდობიანი მოქალაქეები - მოკლეს და კიდევ 251 მძევლად წაიყვანეს. ამან გამოიწვია ისრაელის სამხედრო ოპერაციის დაწყება ღაზას სექტორში, რომელშიც 38,700-ზე მეტი პალესტინელი დაიღუპა.
წყარო: bbc
ასევე იხილეთ:
- რას ნიშნავს "ყველა თვალი რაფაზეა"? - ვირუსული პოსტი, რომელიც "ინსტაგრამზე" 47 მილიონზე მეტმა ადამიანმა გააზიარა, მათ შორის ცნობილმა სახეებმა
- ვინ არის ულამაზესი ქართველ-ებრაელი გოგონა, რომელიც ისრაელის ჯარში მსახურობს - 21 წლის ლიელ ბუზუკაშვილისა და მისი გმირი მამის ისტორია
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
