ძლიერი შტორმის შედეგად ცნობილი რეპერის ძვირადღირებული სახლი დაიტბორა: სტიქია კანადაში - 123 000 ადამიანი ელექტროენერგიის გარეშე დარჩა
კანადაში, ტორონტოში ძლიერმა წვიმამ წყალდიდობა გამოიწვია, რის გამოც მოსახლეობის ნაწილს ელექტრომომარაგება შეეზღუდა, 123 000 ადამიანი ელექტროენერგიის გარეშე დარჩა.
- წყალდიდობის ამსახველ კადრებს სოციალურ ქსელში კანადელი რეპერი, დრეიკი ავრცელებს: როგორც ვიდეოში ჩანს, რეპერის სახლი ძლიერი წვიმის შედეგად დაიტბორა. დრეიკის ძვირადღირებული სახლი ტორონტოს ერთ-ერთ მდიდრულ უბანში მდებარეობს.
ამ ზაფხულს რეკორდულმა შტორმმა კარიბის ზღვის აუზისა და ჩრდილოეთ ამერიკის ნაწილებში ნგრევა გამოიწვია - ქარიშხალი ბერილი თავს დაატყდა გრენადასა და იამაიკას, დაიღუპა სულ მცირე ცხრა ადამიანი, წყალდიდობა, წვიმა და ქარი დაფიქსირდა ტეხასის შტატში. 2,5 მილიონზე მეტ სახლს ელექტროენერგია შეეზღუდა, სულ მცირე რვა ადამიანი დაიღუპა ტეხასსა და ლუიზიანაში.
სამშაბათს 97 მილიმეტრზე მეტი (დაახლოებით 3,82 ინჩი) წვიმა დაფიქსირდა ტორონტოს პირსონის საერთაშორისო აეროპორტში, რაც მას რიგით მეხუთე ყველაზე ნოტიო დღედ აქცევს ქვეყნის ისტორიაში.
მეცნიერები ფიქრობენ, რომ ექსტრემალური ამინდი, რომლებიც გავლენას ახდენს მსოფლიოზე, სულ უფრო ხშირი ხდება კლიმატის კრიზისის დაჩქარების გამო.
