"ტყვიას ისეთი ხმა ჰქონდა, თითქოს მსოფლიოში ყველაზე დიდი კოღო იყო" - მედიაში ტრამპისა და რობერტ კენედი უმცროსის საუბრის ჩანაწერმა გაჟონა
მედიაში გაჟონა დონალდ ტრამპისა და რობერტ ფიცჯერალდ კენედის პირადი სატელეფონი საუბრის ჩანაწერმა, სადაც ტრამპი უყვება კენედის პენსილვანიაში მასზე განხორციელებულ თავდასხმაზე, ასევე იმის შესახებ, თუ რა უთხრა ბაიდენმა სატელეფონო საუბრის დროს.
- “ისეთი შეგრძნება მქონდა, თითქოს მსოფლიოს უდიდესი კოღო იყო”, - თქვა ტრამპმა ტყვიაზე, რომელმაც თავდასხმისას ყური გაუკაწრა.
ჩანაწერში ასევე ისმის, როგორ ცდილობს ტრამპი, დაითანხმოს კენედი უმცროსი მის გუნდში გაწევრებაზე.
საინტერესოა, რომ ჩანაწერი თავდაპირველად ინტერნეტ სივრცეში კენედის ვაჟმა, რობერტ ფ. კენედი III-მ გამოაქვეყნა, თუმცა მალევე წაშალა.
- “ჩვენ გავიმარჯვებთ, წინ ვართ იმ ტიპზე (ბაიდენზე)”, - ისმის ტრამპის ნათქვამი, რაზეც კენედი ეთანხმება და ამბობს - “დიახ”.
შემდეგ ტრამპი ბაიდენთან სატელეფონო საუბარს იხსენებს:
“ის სინამდვილეში ძალიან თავაზიანი იყო. დარეკა და მკითხა, "როგორ მოხდა, რომ მარჯვნივ გაიხედე?"' - თქვა ტრამპმა.
"თავი დიაგრამის საჩვენებლად მოვატრიალე და რაღაცამ ჩამიფრინა. ისეთი ხმა ჰქონდა, როგორც გიგანტურ... როგორც მსოფლიოს უდიდეს კოღოს.. რას უწოდებენ ამას, AR-15-ს თუ რაღაცას, ეს დიდი იარაღია, საკმაოდ მძიმე იარაღი, ხომ?” - ამბობს ტრამპი.
- საუბრის დასაწყისში ტრამპი კენედის ვაქცინების საკითხზე ესაუბრება და ამბობს, რომ ბავშვებისთვის შესაძლოა, მეტისმეტად დიდი დოზები იყოს.
“რაღაც სჭირს მთელ ამ სისტემას”, - თქვა ტრამპმა, რომელიც კენედის “ბობის” უწოდებს.
“გახსოვს, ვთქვი, რომ პატარა დოზები მინდოდა, პატარა. ისინი ისე გამოიყურება, თითქოს ცხენისთვისაა განკუთვნილი და არა ბავშვისთვის”, - განაგრძო ტრამპმა.
აღსანიშნავია, რომ კენედიმ ვიდეოს ნამდვილობა დაადასტურა.
“როდესაც პრეზიდენტმა ტრამპმა დამირეკა, გადაღების პროცესში ვიყავი. უნდა მეთქვა ვიდეოგრაფისთვის, რომ დაუყოვნებლივ შეეწყვიტა ჩაწერა. შოკირებული ვარ, რომ ეს გამოქვეყნდა. ბოდიშს ვუხდი პრეზიდენტს”, - დაწერა X-ზე მან.
დემოკრატები ტრამპსა და დამოუკიდებელ კანდიდატ კენედის შორის აშკარა შეთქმულებით აღშფოთებულნი იყვნენ. წყარო
იხილეთ ასევე: