რატომ ითხოვდა თავდასხმის შემდეგ ტრამპი თავის ფეხსაცმელს ასე ჯიუტად? - მედიაში ინციდენტის ამსახველი აქამდე უცნობი კადრები გავრცელდა
დასავლურ მედიაში გავრცელდა დონალდ ტრამპზე თავდასხმის აქამდე უცნობი კადრები, რომელშიც ჩანს, რომ პრეზიდენტობის კანდიდატი ადგილს არ ტოვებს და საიდუმლო სამსახურის აგენტებს ჯიუტად სთხოვს თავის ფეხსაცმელს.
ბევრმა აღნიშნა, რომ უცნაური იყო მისი მხრიდან ასეთი საქციელი. თუმცა, როგორც კადრებიდან ირკვევა, გასროლის შემდეგ უსაფრთხოების სამსახურმა მყისიერად იმოქმედა. ტრამპს გადაეფარნენ და ერთ-ერთმა მისი ფეხსაცმელი მოისროლა.
კადრებში ჩანს, რომ ის დაბნეულია და ჯიუტად ითხოვს ფეხსაცმლის დაბრუნებას:
“მომეცი ფეხსაცმელი, ნება მომეცით ავიღო ჩემი ფეხსაცმელი“, - ამბობს ყოფილი პრეზიდენტი როდესაც მიწიდან დგება.
კადრებში ჩანს, რომ საიდუმლო სამსახური ტრამპის ფეხსაცმელს სცენიდან ისვრის.
”აგენტებმა ისე ძლიერად დამარტყეს, რომ ფეხსაცმელი, რომელიც საკმაოდ მჭიდროდ მქონდა შეკრული, ფეხიდან გამძვრა”, - თქვა მან. მისი თქმით, უსაფრთხოების სამსახურის წარმომადგენელი ისე ძლიერ დააწვა, რომ მკლავზე სისხლჩაქცევა მიიღო. 
"მათ ფანტასტიკური სამუშაო შეასრულეს. მინდოდა სცენაზე ლაპარაკი გამეგრძელებინა“, - განაცხადა დონალდ ტრამპმა.
წყარო: dailymail
ასევე იხილეთ: