"დელონი ყოველთვის იქნება დელონი. ყოველთვის ლამაზი, ყოველთვის ელეგანტური..." - რა ფოტოებს აქვეყნებს ლეგენდარული მსახიობის ქალიშვილი?

ლეგენდარული ფრანგი მსახიობის ალენ დელონის ქალიშვილმა ანუშკამ სოციალურ ქსელში ვარსკვლავის იშვიათი ფოტოები გამოაქვეყნა.

ფოტო-ბლოგში ანუშკამ 88 წლის მამის ნებართვით, ორი ფოტო გააზიარა. სურათზე ალენი თმის შეჭრის დროს არის გადაღებული. კერძოდ, მაშინ, როდესაც ვარსკვლავს სახლში დალაქი ესტუმრა კანის მოვლის პროცედურების ჩასატარებლად და თმისა და წვერის მოსაწესრიგებლად. მსახიობის ქალიშვილის თქმით, მამა არ იცვლება და თავს მაინც ლამაზად მიიჩნევს.

"რაც არ უნდა იყოს, როგორც ამბობენ, "შოუ გრძელდება". დელონი ყოველთვის იქნება დელონი. ყოველთვის ლამაზი, ყოველთვის უნაკლო, ყოველთვის ელეგანტური, როგორც კარგი ღვინო. მარადიულად დიდი...

ჩემი აზრით, კარგი ფოტოები გამოვიდა. ის თავს ლამაზად მიიჩნევს, როგორც ყოველთვის, ამ ფოტოებს ვაქვეყნებ“, - წერს ანუშკა.

კომენტარებში ვარსკვლავის გულშემატკივრები ქალიშვილის სიტყვებს დაეთანხმნენ.

"რა სასიამოვნოა მამაშენის ნახვა. მიყვარხართ შენ და მამაშენი“

"სრულიად გეთანხმები, ანუშკა. ის არის უდიდესი ჯენტლმენი, რომელიც მთელ პლანეტას უყვარს და პატივს სცემს, დარჩება ისეთი, როგორიც ყოველთვის იყო: ყველაზე სიმპათიური და დიდებული“, - წერენ კომენტარებში.

წაიკითხეთ ასევე:

• ალენ დელონის "მარტოობის ასი წელიწადი": მემკვიდრეების ბრძოლა მამის სიყვარულისთვის და მსახიობის "ტყის სასახლე" გაპარტახების პირას