ქალაქები და კამპუსები, რომელშიც სწავლის შესაძლებლობასაც Webster University Georgia გაძლევთ

Webster University Georgia საქართველოში უკვე 2 წელია ფუნქციონირებს და სტუდენტებს ამერიკულ სასწავლო პროგრამებსა და დიპლომს სთავაზობს. წამყვანი ამერიკული უნივერსიტეტის ქართული კამპუსის უპირატესობებს შორისაა გაცვლითი პროგრამები სხვა ქვეყნების კამპუსებში და ფინანსური ხელმისაწვდომობა. ამერიკული მხარის დახმარებით, საქართველოს კამპუსში სხვა კამპუსებთან შედარებით სტუდენტები ანალოგიურ პროგრამასა და დიპლომში რამდენჯერმე ნაკლებს თანხას იხდიან.

სტუდენტებს, რომლებიც Webster University Georgia-ში ჩააბარებენ, საშუალება ექნებათ ერთი ან რამდენიმე სემესტრი უნივერსიტეტის ნებისმიერ კამპუსში ისწავლონ. 1915 წელს დაარსებული უნივერსიტეტის მთავარი კამპუსში აშშ-ში, მისურის შტატში მდებარეობს. პირველი საერთაშორისო ფილიალი 1972 წელს ჟენევაში, შვეიცარიაში გაიხსნა. ამჟამად კი სასწავლო კამპუსები აქვს შვეიცარიაში, ავსტრიაში, ჰოლანდიაში, ნიდერლანდებში, ჩინეთში, ტაილანდში, განასა და საბერძნეთში. უნივერსიტეტი საერთო ჯამში 50 კამპუსს აერთიანებს.

რაც ყველაზე მნიშვნელოვანია, სტუდენტები გაცვლით პროგრამაში მონაწილეობის დროს საქართველოს კამპუსში სწავლის საფასურს გადაიხდიან, რაც სხვა კამპუსებთან შედარებით რამდენჯერმე ნაკლებია. ასევე შესაძლებელია, რომ სტუდენტებმა სხვა კამპუსებში გაიარონ ის მაინორ პროგრამა, რომელიც ამჟამად საქართველოში არ ხორციელდება.

საქართველოს მოქალაქეებისთვის Webster University Georgia-ში საბაკალავრო პროგრამებზე აკადემიური წლის სწავლის გადასახადი 7 900 დოლარია. ანალოგიურ პროგრამებზე სენტ-ლუისში სწავლა 29 640 დოლარი ღირს, ჟენევაში - 34 632 შვეიცარიული ფრანკი, ვენაში - 22 685 ევრო, ლეიდენში - 32 400 ევრო.

აღსანიშნავია, რომ მიმდინარე წლის აგვისტოდან Webster University Georgia-ს 5 სტუდენტი მიემგზავრება ვენის, ლეიდენისა და ჟენევის კამპუსებში გაცვლითი პროგრამის ფარგლებში, რამდენიმე სტუდენტში კი აშშ-ს კამპუსიდან უკვე დაბრუნდა.

Webster University Georgia ამჟამად შემდეგ საბაკალავრო პროგრამებს სთავაზობს აბიტურიენტებს:

• ბიზნესის ადმინისტრირება (ინგლისურენოვანი) - პროგრამის კოდი ერთიან ეროვნულ გამოცდებზე - 2020101
• საერთაშორისო ურთიერთობები (ინგლისურენოვანი) - პროგრამის კოდი ერთიან ეროვნულ გამოცდებზე - 2020102
• კომპიუტერული მეცნიერება (ინგლისურენოვანი) - პროგრამის კოდი ერთიან ეროვნულ გამოცდებზე - 2020103
• ფსიქოლოგიის მეცნიერება (ინგლისურენოვანი) - პროგრამის კოდი ერთიან ეროვნულ გამოცდებზე - 2020104

Webster University აშშ-ის ერთ-ერთ საუკეთესო სასწავლებლად აღიარებულია მრავალი გავლენიანი სარეიტინგო სისტემის მიერ. მათ შორისაა: Washington Monthly, College NET, National Council for Accreditation of Teacher Education (NCATE), College Choice, AccreditedSchoolsOnline.org, Military Times და სხვა.

R