კიმ კარდაშიანი აზიის უმდიდრესი ოჯახის ქორწილში, რომელიც 320 მილიონი დოლარი დაჯდა - კიდევ ვინ ესწრება მუკეშ ამბანის უმცროსი ვაჟის წვეულებას?
ცნობილი სახეები, პოლიტიკოსები და პოპ-ვარსკვლავები მუმბაიში აზიის უმდიდრესი კაცის მუკეშ ამბანის უმცროსი ვაჟის, ანანტის ქორწილისთვის იკრიბებიან. რაც შეეხება ანანტის საცოლეს, რადიკა მერჩანტიც ინდოეთის ერთ-ერთი ყველაზე ცნობილი და მდიდარი ოჯახიდანაა. მისი მამა - ვირენ მერჩანტი მილიონერია და მსხვილ ფარმაცევტულ კომპანიას ფლობს.
- წინასაქორწინო წვეულებები ჯერ კიდევ მარტშ დაიწყო და 120 მილიონი დოლარი დაჯდა. 1-ელ მარტს ინდოეთის ქალაქ ჯამნაგარში გამართულ პირველ წინასაქორწინო ღონისძიებაზე დაპატიჟებულ სტუმრებს შორის იყვნენ ბილ გეითსი, მარკ ზაკერბერგი და შვედეთის, კატარისა და კანადის ყოფილი და მოქმედი პრემიერ-მინისტრები.
29 მაისს, მეორე ღონისძიებაზე, რომელიც პალერმოში, საკრუიზო გემზე გაიმართა, The Backstreet Boys-მა, ქეითი პერიმ და პიტბულმა იმღერეს.
5 ივნის გამართული კიდევ ერთი მდიდრული წვეულების მთავარი შემსრულებელი კანადელი მომღერალი ჯასტინ ბიბერი იყო.
მთავარი ცერემონია 12-13 ივლისს გაიმართა. ამით ამბანის "საუკუნის ქორწილი" დასრულდა. სტუმრებს შორის არიან პრიანკა ჩოპრა, ნიკ ჯონასი, კიმ კარდაშიანი და სხვები. უცხოური გამოცემის ცნობით, ორდღიანი წვეულების ხარჯო ჯამში 320 მილიონი დოლარია.
