"ვითომ შემთხვევით მოხვდა იმ ადგილას, სადაც მე ვიმყოფებოდი, ის გახლავთ “დროას” პოლიტ საბჭოს წევრი, რა თქმა უნდა, იცოდა თავისი ბელადი ლაკასგან..." - რას წერს ნინო წილოსანი მედიაში გავრცელებულ ვიდეოზე
"უკვე ძალიან მეცოდებიან ოპოზიციური ტელევიზიები, საკუთარი ნიუსების პოპულარიზაციისთვის ხმამაღალი ჰედლაინების კეთება რომ უწევთ - "ნინო წილოსანს მონა ეძახეს“ - ამის შესახებ "ქართული ოცნების" წარმომადგენელი, ნინო წილოსანი მედიაში გავრცელებულ ვიდეოსთან დაკავშირებით, "ფეისბუქის" ოფიციალურ გვერდზე წერს.
"უკვე ძალიან მეცოდებიან ოპოზიციური ტელევიზიები, საკუთარი ნიუსების პოპულარიზაციისთვის ხმამაღალი ჰედლაინების კეთება რომ უწევთ - "ნინო წილოსანს მონა ეძახეს“ არ გაინტერესებთ, ვინ იაქტიურა ამჯერად?! ნათია ლეთოდიანმა, რომელიც ვითომ შემთხვევით მოხვდა იმ ადგილას, სადაც მე ვიმყოფებოდი.
ის გახლავთ “დროას” პოლიტ საბჭოს წევრი, ცნობილი აქტივისტი, აგრესორი და ზიზღის გამავრცელებელი. რა თქმა უნდა, იცოდა თავისი ბელადი ლაკასგან, რომ ამ შეხვედრაზე ვიქნებოდი და სწორედაც, რომ მიზანმიმართულად მომივარდა. სამაგიეროდ, მიიღო საკადრისი პასუხი და სამომავლოდაც, ყველა შემთხვევაში აუცილებლად მიიღებს საკადრის პასუხს. ისე, აჯობებს საკუთარ უფროსს მიუვარდეს, რუსული რუბლებით რომ იკვებება", - წერს წილოსანი.