ტეილორი და ტრევისი ერთმანეთის გასაბედნიერებლად დღეში სულ მცირე, 100 000-ს ხარჯავენ - "ისინი მალე მსოფლიოში ყველაზე მფლანგველი წყვილის სტატუსს მიიღებენ"
ტეილორ სვიფტი და ტრევის კელსი ამბობენ, რომ ფულზე დიდად აღარ ფიქრობენ - ისინი ამტკიცებენ, რომ სიყვარული შეუფასებელია, მიუხედავად იმისა, რომ როგორც აღმოჩნდა, სავარაუდოდ, ყოველდღიურად 100 000 დოლარს ხარჯავენ.
- Life & Style-ის ცნობით, სუპერვარსკვლავური წყვილი ერთმანეთის განებივრებას არ ერიდება, იქნება ეს მდიდრული პაემნები თუ რომანტიკული ჟესტები და საჩუქრები,. ამასობაში, მათი ურთიერთობა ერთი წლის იუბილე ახლოვდება.
ტრევისმა და ტეილორმა, 2023 წლის ზაფხულში დაიწყეს ურთიერთობა, თუმცა მათი ურთიერთობის დაწყების ზუსტი თარიღი უცნობია.
“ტეილორი და ტრევისი საერთაშორისო მოგზაურები გახდნენ და მათი უზომო ფულის ხარჯვა ყოველგვარ საზღვარს სცდება”, - განუცხადა წყარომ ჟურნალს, - “დაცვის წევრები, კერძო თვითმფრინავები, ფეშენებელური სასტუმრო ნომრები, პლუს რომანტიკული ჟესტები, რითაც ორივე ცნობილია, სავარაუდოდ, მათ მსოფლიოში ყველაზე ექსტრავაგანტულად მხარჯველ წყვილად აქცევს. ეს საკმაოდ დიდ უკიდურესობაში გადადის”.
ტრევისი და ტეილორი ამ ზაფხულის პირველ ნახევარში ერთად იყვნენ ევროპაში - Chiefs-ის ვარსკვლავი თავის პოპ-ვარსკვლავ შეყვარებულს 'Eras' ტურნეს რამდენიმე ლოკაციაზე შეუერთდა, როგორიცაა ლონდონი, დუბლინი და ამსტერდამი.
- ტეილორმა თავისი შეყვარებულის მიმართ მხარდაჭერა იმით გამოხატა, რომ გასულ სეზონზე Chiefs-ის 13 თამაშს დაესწრო. მან თებერვალში ტოკიოდან ლას-ვეგასში თავისი კერძო თვითმფრინავით იმგზავრა, რათა Super Bowl-ზე თავის საყვარელ ადამიანთან ერთად ყოფილიყო.
“მას შემდეგ, რაც ისინი შეხვდნენ, ორივემ კერძო თვითმფრინავებზე მილიონ დოლარზე მეტი დახარჯა. ტეილორი თვითმფრინავს ტრევისის საყვარელი ნივთებით ავსებს, როგორიცაა ზღვის პროდუქტები, კოკა-კოლა და ა.შ. მას უნდა, რომ ტრევისი ბედნიერი და კმაყოფილი იყოს”.
წყვილმა ასევე “დაცვის 20-ზე მეტი წევრი დაიქირავა, რომლებიც ერთ დღეში ათას დოლარზე მეტს იღებენ”, და ტრევისი არ უფრთხის “ტეილორის განებივრებას იმ ნივთებით, რაც მას უყვარს”.
მიუხედავად იმისა, რომ ფულს ერთმანეთისთვის რეგულარულად ხარჯავენ, წყარო ამბობს, რომ “ტეილორი და ტრევისი არც კი ფიქრობენ იმ ფულზე, რასაც ხარჯავენ”.
“მათ უყვართ კომფორტი და ერთმანეთის მიმართ სიყვარულის გამოხატვა და ამას სწორედ ასე აკეთებენ”, - დასძინა ინსაიდერმა.