შეარჩიე და შეიძინე ავტომობილის ზეთები "თეგეტა მოტორსში"
ზაფხულის დადგომასთან ერთად, ჩვენს ავტომობილს განსაკუთრებული შემოწმება სჭირდება. ჩვენი უსაფრთხო და კომფორტული გადაადგილებისთვის უნდა გავითვალისწინოთ ყველა, დიდი თუ მცირე, დეტალი. ავტომანქანის ნორმალური ფუნქციონირებისთვის, მაღალი ხარისხის საბურავებთან და აკუმულატორებთან ერთად, ასევე მნიშვნელოვანია ხარისხიანი ზეთის შერჩევაც. ზეთის შეცვლა ავტომობილის მოვლის რუტინული ნაწილია. ძრავის ზეთი ავტომობილის ძრავის შეუფერხებლად მუშაობაზეა პასუხისმგებელი. ზეთი იცავს ძრავის დეტალებს კოროზიისგან, უზრუნველყოფს ზედაპირიდან ნამწვის ჩამორეცხვას და ავტომობილის ნაწილების ცვეთისგან დაცვას. მარტივად რომ ავხსნათ, თუ ავტომობილის დეტალები საპოხის დამცავი ფირის გარეშე ეხება ერთმანეთს, ეს იწვევს დეტალების ინტენსიურ ცვეთას, ნაკაწრების წარმოქმნას, გადახურებას, დეფორმირებასა და მსხვრევას. აღნიშნული პრობლემების თავიდან ასარიდებლად აუცილებელია სათანადო ზეთების დროული შეცვლა, ავტომწარმოებლის მოთხოვნების გათვალისწინებით.
ძრავის ზეთის შეცვლა გავლილი კილომეტრაჟით ან დროის ფაქტორით განისაზღვრება. კილომეტრაჟით ზეთის გამოცვლის ინტერვალები განსხვავებულია და დამოკიდებულია: ავტომწარმოებლის რეკომენდაციაზე, ძრავის ტიპზე, საექსპლუატაციო და გარემო პირობებზე, ზეთის ხარისხობრივ მაჩვენებლებზე. ძრავის ზეთის შეცვლის აღნიშნული დიაპაზონი კილომეტრაჟით ძირითად შემთხვევებში მერყეობს 5000-15000 კილომეტრის ფარგლებში, ხოლო დროის ფაქტორით - წელიწადში ერთხელ ან ორჯერაც კი, მიუხედავად მინიმალური გარბენისა ზეთის გამოცვლის შემდგომ. დროის ფაქტორით ზეთის გამოცვლა გამოწვეულია იმით, რომ ყველა პროდუქტს აქვს თავისი ვარგისობის ვადა. ქარხნულ შეფუთვაში უშუალოდ ძრავის ზეთების ვადიანობა ძირითადად 3-5 წელს შეადგენს, ხოლო ავტომობოლის ძრავაში მოხვედრის შემდეგ ზეთში არსებული მისართების პაკეტი პირველადი გააქტიურების შემდგომ იწყებს ე.წ. დეგრადირებას, ზეთი დროთა განმავლობაში კარგავს დაცვისა და წმენდის თვისებებს, დაახლოებით 1 წლის შემდეგ ძრავის ზეთი ვეღარ უზრუნველყოფს ძრავის დეტალების სრულ, სათანადო დაცვას.
ასევე არ უნდა დაგვავიწყდეს, რომ გარდა ძრავის ზეთისა, ავტომობილს დროდადრო სჭირდება: გამანაწილებელი და გადაცემათა კოლოფის, ხიდების, საჭის ჰიდრავლიკური სისტემის ზეთების, სამუხრუჭე და გამაგრილებელი სითხის (ანტიფრიზი) შეცვლაც. აღნიშნული პროდუქტების მედეგობა ძრავის ზეთთან შედარებით მეტია და კილომეტრაჟით მერყეობს 20000-60000 კილომეტრის ფარგლებში, ხოლო დროის ფაქტორი შეადგენს 2-5 წელიწადს. შერჩევის პროცესში აუცილებლად გასათვალისწინებელია აღჭურვილობის ტიპი, შესაბამისი მწარმოებლის მოთხოვნები, დაშვებები და რეკომენდაციები. სწორი პროდუქტის შერჩევის პროცესში სასურველია კომპეტენტური პირის ჩართვა, რაშიც საჭიროების შემთხვევაში „თეგეტა მოტორსის“ საკონსულტაციო ჯგუფი და ონლაინ შოპი დაგეხმარებათ.
თეგეტას ონლაინ მაღაზიაში შეგიძლიათ შეარჩიოთ ძრავის ზეთები, გადაცემათა კოლოფისა და ხიდის ზეთები, სამუხრუჭე და გამაგრილებელი სითხეები, ავტოქიმია და სხვა უამრავი პროდუქტი, რომლებიც დაგეხმარებათ ავტომობილის სრულად გამართვასა და მოვლაში. თეგეტას ონლაინ შოპში წარმოდგენილია ისეთ პრემიუმ და ექსკლუზიური ბრენდები, როგორებიცაა: MOBIL 1, MOTUL, PETRONAS, FUCHS, CHAMPION, FEBI, KUTTENKEULER, SONAX, MANN-FILTER, HENGST, FILTRON, WIX FILTERS და სხვა.
განვიხილოთ რამდენიმე მათგანი:
Mobil – ამერიკული ნავთობმომპოვებელი კორპორაცია დასაბამს იღებს 1859 წლიდან. 1974 წელს Mobil-მა ბაზარზე პირველმა წარადგინა სრულიად სინთეტიკური ძრავის ზეთი სიბლანტით 5W20. დღესდღეობითაც Mobil მიიჩნევა სინთეტიკური ზეთების წარმოების წამყვან კომპანიად. ბრენდი მოიცავს საცხებ-საპოხი მიმართულების სრულ სპექტრს: საავტომობილოს, საავიაციოს, საზღვაოს, სახმელეთოს, მოტოტრანსპორტისა და სპორტული ავტომობილებისთვის. ბრენდის მაღალი ხარისხის პროდუქცია წარმოდგენილია თეგეტას ონლაინ შოპში.
motul – ამერიკული წარმოშობის ფრანგული ბრენდია, რომელიც 1853 წლიდან აქტიურად აწარმოებს საცხებ-საპოხ საშუალებებს სხვადასხვა ტრანსპორტისათვის. ბრენდი 165 წლის განმავლობაში თავისი ინოვაციური მიდგომებითა და პროდუქციის უმაღლესი ხარისხით გამოირჩევა. ესაა პრემიუმ კლასის, მაღალტექნოლოგიური ძრავის ზეთი, რომელსაც ხშირად იყენებენ ავტო- და მოტოსპორტში.
Shell – ბრიტანული ბრენდის მანქანის ზეთები გამორჩეულია ხარისხით და ერთ-ერთი ყველაზე მოთხოვნადი ბრენდია ჩვენს ბაზარზე. Shell-ის აქვს რამდენიმე ტიპის პროდუქტი: ძრავის ზეთები, გადაცემათა კოლოფის ზეთები და სხვა, რომლებიც საჭიროებისამებრ შეგიძლიათ შეარჩიოთ. ხარისხი და გამძლეობა ნამდვილად გარანტირებულია.
როგორც უკვე შეიტყვეთ, მანქანის ზეთები თეგეტას ონლაინ შოპზე ძალიან მარტივი შესარჩევია. საკმარისია მხოლოდ საიტზე რეგისტრაცია მინიმალური ინფორმაციის დაფიქსირებით. დამატებითი ინფორმაციისთვის გვესტუმრეთ საიტზე tegetamotors.ge ან დაგვიკავშირდით ნომერზე: 322 26 44 44.
NS