აღმოჩენილია ყინულოვანი "სუპერ დედამიწა", სადაც შესაძლოა უცხოპლანეტელები ცოცხლობდნენ - მორიგი გარღვევა ასტრონომიაში

მეცნიერებმა NASA-ს ვებ-ტელესკოპის გამოყენებით აღმოაჩინეს ყინულოვანი "სუპერ დედამიწა", რომელზეც შესაძლოა უცხოპლანეტელები ცოცოხლობდნენ.

"თავდაპირველად მკვლევარებს ეგონათ, რომ პლანეტა სახელად - LHS 1140 b, შეიძლება იყოს აირისებრი მეზობლის ნეპტუნის ძალიან მცირე ვერსია. მაგრამ მონაცემების გაანალიზებამ აჩვენა, რომ მას შეიძლება ჰქონდეს ატმოსფერო და თხევადი წყალიც კი. მკვლევარების ვარაუდით, ეს შეიძლება გახდეს ერთ-ერთი ყველაზე პერსპექტიული ადგილი უცხოპლანეტელების საძიებლად“, - წერს independent.

LHS 1140 b ბრუნავს დაბალი მასის წითელი ჯუჯა ვარსკვლავის გარშემო, რომელიც ჩვენი მზის ზომის დაახლოებით მეხუთედია. მეცნიერების აზრით, ის შეიძლება იყოს "ოქროს ზონაში", არც ძალიან ახლოსა და არც ძალიან შორს ვარსკვლავთან, რის გამოც შესაძლოა ჰქონდეს თხევადი წყალი.

თხევადი წყლის არსებობა პლანეტაზე კი სიცოცხლის არსებობას თითქმის ადასტურებს.