ამსტერდამში ვანდალებმა ანა ფრანკის ძეგლი დააზიანეს
ამსტერდამში ვანდალებმა ანა ფრანკის ძეგლი დააზიანეს და მასზე წითელი საღებავით "Gaza“ დაწერეს. საქციელი სასტიკად დაგმო ქალაქის მერმა ფემკე ჰალსემამ:"
"ასეთი ქანდაკების შელახვა პალესტინელებს ვერ დაეხმარება. ეს ახალგაზრდა გოგონა, რომელიც ნაცისტებმა 15 წლის ასაკში სასტიკად მოკლეს, გვასწავლის იმას, რომ ჰუმანურობა ყველაზე რთულ მომენტებიც უნდა გვახსოვდეს. ამის გამკეთებელს უნდა რცხვენოდეს" - დაწერა ჰალსემამ.
ამსტერდამის პოლიციამ მომხდარზე გამოძიება დაიწყო. დამნაშავეები ჯერჯერობით არ დაუკავებიათ.
ანა ფრანკი ებრაელი გოგონა იყო, რომელიც ნაცისტური ტერორისგან თავის დასაღწევად ოჯახთან ერთად სამალავში იმალებოდა. მისი დღიური თვალსაჩინოდ აღწერს მეორე მსოფლიო ომის პერიოდში ებრაელების ცხოვრებას. ბოლო ჩანაწერი დათარიღებულია 1944 წლის 1 აგვისტოთი, სამ დღეში გესტაპომ დააპატიმრა ყველა, ვინც თავშესაფარში იმალებოდა. თვით ანა კი ბერგენ-ბელზენის საკონცენტრაციო ბანაკში გარდაიცვალა.