ლონდონში არბალეტით მოკლეს BBC-ის ჟურნალისტის ცოლი და ორი ქალიშვილი - ვინ არის ეჭვმიტანილი და რა იყო მოტივი? სასტიკი დანაშაულის დეტალები
9 ივლისის საღამოს BBC-ის ჟურნალისტის ცოლი და ორი ქალიშვილი მოკლეს. დანაშაული ჩრდილოეთ ლონდონში მოხდა. როგორ მედია წერს, თავდამსხმელი 26 წლის კაილ კლიფორდია - პოლიცია მას ამ დრომდე ეძებს.
როგორც ამბობენ, დამნაშავე ლონდონში ან ჰერტფორდშირში უნდა იმყოფებოდეს, პოლიცია საზოგადოებას სიფრთხილისკენ მოუწოდებს.
პროკურატურის განცხადებით მოკლულია BBC-ის სპორტული კომენტატორის ჯონ ჰანტის ცოლი, კეროლ ჰანტი და მათი ორი ქალიშვილი. როგორც ვარაუდობენ, თავდასხმა "მიზანმიმართული ქმედება" იყო, თუმცა ზუსტი მოტივი უცნობია.
"გუშინ მომხარ დანაშაულს სამი ქალის სიცოცხლე შეეწირა. ეს ფაქტი მართლაც შოკისმომგვრელია მთელი გულით თანავუგრძნობ მოკლულთა ოჯახის წევრებს და ახლობლებს" - დაწერა ბრიტანეთის შინაგან საქმეთა მინისტრმა ივეტ კუპერმა.
როგორც ცნობილია, სამი ადამიანის მკვლელობაში ეჭვმიტანილი ბრიტანეთის არმიაში მსახურობდა, სამხედრო სამსახური კი 2022 წელს დატოვა. მოკლულების ასაკი 25, 28 და 61 წელია. სამართალდამცველთა განცხადებით მკვლელობა თავდამსხმელმა არბალეტით ჩაიდინა და შესაძლოა, მან სხვა იარაღიც გამოიყენა. BBC-ის ჟურნალისტის ცოლი და შვილები ადგილზე დაიღუპნენ. პოლიცია აფრთხილებს მოქალაქეებს, რომ გამოიჩინონ სიფრთხილე, რადგან სავარაუდოდ არმალეტი მას კვლავ თან აქვს და საფრთხეს წარმოადგენს.0