მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სამხრეთ კორეელი პოლიტიკოსი მამაკაცებში სუიციდის შემთხვევების ზრდას ქალებს უკავშირებს - ამის გამო ის კრიტიკის ქარცეცხლში გაეხვა
15:00 / 10-07-2024
სამხრეთ კორეაში ერთ-ერთი პოლიტიკოსი მკაცრად გააკრიტიკეს დაუსაბუთებელი კომენტარების გამო, რომლითაც მან მამაკაცების თვითმკვლელობის ზრდა საზოგადოებაში ქალების მზარდ "დომინანტურ" როლს დაუკავშირა.
- მომზადებულ ანგარიშში სეულის საქალაქო საბჭოს წევრმა, კიმ კი-დუკმა განაცხადა, რომ წლების განმავლობაში ქალების გაზრდილმა მონაწილეობამ სამუშაო ძალაში მამაკაცებისთვის სამსახურის შოვნა და ისეთი ქალების პოვნა გაართულა, რომლებსაც დაქორწინება სურთ.
მან თქვა, რომ ქვეყანა ბოლო დროს "ქალების დომინანტურ საზოგადოებად გარდაიქმნება" და რომ ეს შეიძლება "ნაწილობრივ პასუხისმგებელი იყოს მამაკაცების თვითმკვლელობის მცდელობების ზრდაზე".
სამხრეთ კორეას ერთ-ერთი ყველაზე მაღალი თვითმკვლელობის მაჩვენებელი აქვს მსოფლიოს მდიდარ ქვეყნებს შორის, მაგრამ ასევე აქვს ერთ-ერთი ყველაზე ცუდი მაჩვენებელი გენდერული თანასწორობის მხრივ.
დემოკრატიული პარტიის წევრმა ეს შეფასება სეულის მდინარე ჰანის ხიდებზე თვითმკვლელობის მცდელობების რაოდენობის მონაცემების ანალიზისას გააკეთა.
საქალაქო საბჭოს ოფიციალურ ვებ-საიტზე გამოქვეყნებულ ანგარიშში ნაჩვენებია, რომ მდინარის გასწვრივ თვითმკვლელობის მცდელობების რაოდენობა 2018 წელს 430-დან 2023 წელს 1,035-მდე გაიზარდა, ხოლო საკუთარი სიცოცხლის მოსპობის მცდელობაში მამაკაცების წილი 67%-დან 77%-მდე გაიზარდა.
თვითმკვლელობის პრევენციის ექსპერტებმა კიმის ანგარიშის გამო შეშფოთება გამოთქვეს.
"ასეთი განცხადებების გაკეთება საკმარისი მტკიცებულებების გარეშე საშიში და არაგონივრულია", - განუცხადა BBC-ს სეულის იონსეის უნივერსიტეტის ფსიქიკური ჯანდაცვის პროფესორმა, სონგ ინ ჰანმა.
მან აღნიშნა, რომ გლობალურად უფრო მეტი მამაკაცი იკლავს თავს, ვიდრე ქალი. მრავალ ქვეყანაში, მათ შორის გაერთიანებულ სამეფოში, თვითმკვლელობა 50 წლამდე მამაკაცების სიკვდილის ყველაზე გავრცელებული მიზეზია.
- მიუხედავად ამისა, პროფესორმა სონგმა განაცხადა, რომ სეულში მამაკაცების თვითმკვლელობის მცდელობების მკვეთრი ზრდის მიზეზები მეცნიერულად უნდა შესწავლილიყო, და როგორც მან დასძინა, "ძალიან დასანანია", რომ საბჭოს წევრმა ეს გენდერულ კონფლიქტად აქცია.
სამხრეთ კორეაში სრულ განაკვეთზე დასაქმებულ მამაკაცებსა და ქალებს შორის მნიშვნელოვანი სხვაობა არსებობს - ქალები დროებით ან ნახევარ განაკვეთზე სამსახურებში არაპროპორციულად მუშაობენ. გენდერული სახელფასო სხვაობა ნელ-ნელა მცირდება, მაგრამ ქალებს მაინც საშუალოდ 29%-ით ნაკლებს უხდიან, ვიდრე - მამაკაცებს.
ბოლო წლებში გაძლიერდა ანტიფემინისტური მოძრაობა, რომელსაც სათავეში უდგანან იმედგაცრუებული ახალგაზრდა მამაკაცები, რომლებიც ამტკიცებენ, რომ მათ ქალების ცხოვრების გაუმჯობესების მცდელობებმა ზიანი მიაყენა.
კორეელებმა სოციალურ მედია პლატფორმა X-ზე დაგმეს საბჭოს წევრის შენიშვნები, როგორც "დაუსაბუთებელი" და "მიზოგინური", ერთმა მომხმარებელმა კი იკითხა, ისინი პარალელურ სამყაროში ხომ არ ცხოვრობენ.
როდესაც BBC-მ კომენტარისთვის მიმართა, საბჭოს წევრმა კიმმა განაცხადა, რომ მას "არ ჰქონია განზრახვა, კრიტიკულად შეეფასებინა ქალების მიერ დომინირებული საზოგადოება" და უბრალოდ, მისი ზოგიერთი შედეგის შესახებ თავის პირად მოსაზრებას გამოთქვამდა.
თუმცა, მისი კომენტარები რიგ არამეცნიერულ და ზოგჯერ უცნაურ პოლიტიკურ წინადადებებს მოჰყვა, რომლებიც სამხრეთ კორეის ზოგიერთი ყველაზე მწვავე სოციალური პრობლემის გადაჭრას ისახავდა მიზნად, მათ შორის - ფსიქიკურ დაავადებებს, გენდერულ ძალადობას და მსოფლიოში ყველაზე დაბალ შობადობას.
გასულ თვეს, სეულის კიდევ ერთმა 60 წელს გადაცილებულმა საბჭოს წევრმა მთავრობის ვებ-საიტზე გამოაქვეყნა სტატიების სერია, რომელშიც ახალგაზრდა ქალებს მოუწოდებდა, გიმნასტიკით დაკავებულიყვნენ და შობადობის გასაზრდელად მენჯის კუნთების ვარჯიშები შეესრულებინათ.
იმავდროულად, მთავრობის ანალიტიკურმა ცენტრმა რეკომენდაცია გასცა, რომ გოგონებმა ბიჭებზე ადრე დაიწყონ სკოლაში სიარული, რათა თანაკლასელები უფრო მიმზიდველნი იყვნენ ერთმანეთისთვის იმ დროისთვის, როცა ქორწინებისთვის მზად იქნებიან.
ამჟამად ქალები სამხრეთ კორეის პარლამენტის წევრების 20%-ს და ადგილობრივი საბჭოების წევრების 29%-ს შეადგენენ.
სეულის საქალაქო საბჭომ BBC-ს განუცხადა, რომ არ არსებობს პროცესი, რომელიც გააკონტროლებდა პოლიტიკოსების მიერ მის ოფიციალურ ვებ-საიტზე გამოქვეყნებულ მასალას, თუ შინაარსი უკანონო არ არის. განცხადების თანახმად, პირები მთლიანად პასუხისმგებელნი არიან თავიანთ კონტენტზე და მის ნებისმიერ შედეგს მომდევნო არჩევნებზე მიიღებენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
