ზღვის დონის აწევამ, აშშ-ში გავრცელებული ერთადერთი ხის კაქტუსის სახეობა გაანადგურა - რას ამბობენ ეკოლოგები?

"შესაძლოა ეს პირველ შემთხვევაა, როდესაც კლიმატის ცვლილებით გამოწვეულმა ზღვის დონის მატებამ, შეერთებულ შტატებში მთლიანი სახეობა გაანადგურა. ზღვის დონის მატება კი თავის მხრივ კაცობრიობის უხეში ჩარევის შედეგია" - ამის შესახებ საგანგაშო სტატიას axios -ი ავრცელებს.

როგორც გამოცემა წერს, შეერთებულ შტატებში გადაშენდა “კი ლარგოს“ ერთადერთი ცნობილი ხის კაქტუსი. მძიმე ცვლილება კი ზღვის დონის მატებამ გამოიწვია.

"კლიმატთან დაკავშირებული სხვა ფაქტორების გამო, მთელ მსოფლიოში სხვა სახეობებიც დაიკარგა. ეს ასევე შეიძლება იყოს სხვა მცენარეებისა და ცხოველების მოახლოებული გადაშენების ნიშანი" , - აღნიშნულია სტატიაში.

• "ჯონ პენეკამპის მარჯნის რიფის სახელმწიფო პარკში" კი ლარგოს (Key Largo) ხე კაქტუსები იყო ამ სახეობის ერთადერთი პოპულაცია, რომელიც ჩრდილოეთ ამერიკაში ფიქსირდებოდა.

სანუგეშო ინფორმაციაა ის, რომ სანაპირო კაქტუსი, რომელიც ყვავილობს და შეიძლება 20 ფუტამდე სიმაღლის გაიზარდოს, ასევე გვხვდება კარიბის ზღვის რამდენიმე ადგილას, მათ შორის ჩრდილოეთ კუბასა და ბაჰამის კუნძულებზე.

ხის კაქტუსების შემცირება 2015 წელს დაიწყო, როდესაც მკვლევრებმა აღმოაჩინეს მხოლოდ 60 ცოცხალი ინდივიდი. მათ შენიშნეს, რომ ღეროების დაახლოებით ნახევარს ცხოველები ღრღნიდნენ და სავარაუდოდ ცდილობდნენ მცენარეში შენახული წყლის გამოყენებას. თუმცა, შესაძლებელია, რომ ეს ქცევა ასევე გამოწვეული იყოს კლიმატის ცვლილებებით გამოწვეული მარილიანი წყლის დატბორვით, რაც ცხოველებისთვის მტკნარი წყლის ნაკლებობას განაპირობებს.