მალე "ეშმაკი ატარებს პრადას" მეორე ნაწილი გამოვა - რომელი მსახიობები ითამაშებენ პოპულარული ფილმის გაგრძელებაში და რა არის ცნობილი სცენარის შესახებ
"დისნეი" "ეშმაკი ატარებს პრადას" მეორე ნაწილის გადაღებასთან დაკავშირებით მოლაპარაკებებს აწარმოებს. გავრცელებული ინფორმაციით, თავიანთ როლებს დაუბრუნდებიან მერილ სტრიპი და ემილი ბლანტი, მიიღებს თუ არა მონაწილეობას ენ ჰეთეუეი, ჯერჯერობით უცნობია.
- ფილმის სცენარზე ალინ ბროშ მაკკენა და პროდიუსერი, ვენდი ფინერმანი იმუშავებენ. ფილმის სიუჟეტი უცნობია, თუმცა მედიამ ზოგი მნიშვნელოვანი დეტალის გაგება მაინც მოახერხა: როგორც ამბობენ, სცენარი კვლავ მირანდა პრისცლის პერსონაჟის გარშემო ვითარდება, რომელიც ბიზნესის გადარჩენას ცდილობს და დახმარებას თავის ყოფილ ასისტენტს სთხოვს.
რა თქმა უნდა, ფანები გულდაწყვეტილები იქნებიან, თუ ენ ჰეთეუეი თავის ერთ-ერთ ყველაზე ცნობილ როლს არ დაუბრუნდება. მსახიობმა ადრე ინტერვიუში აღნიშნა, რომ მეორე ნაწილის გადაღების იდეა საკმაოდ "მაცდურად" ჟღერდა.