"დღევანდელი მდგომარეობით, ვერ წარმომიდგენია საქართველო წელს წინ წავიდეს - ევროკავშირის ლიდერებმა გაყინეს პროცესი და საქართველოს ხელისუფლებისგან განმარტებას ელოდებიან" - ჰერჩინსკი

ყველა კანდიდატ ქვეყანასთან დაკავშირებით ოქტომბერში გამოქვეყნდება გაფართოების ანგარიში და ევროკავშირის ლიდერები შემდგომ ნაბიჯებთან დაკავშირებით გადაწყვეტილებას დეკემბერში მიიღებენ, - ამის შესახებ საქართველოში ევროკავშირის ელჩმა, პაველ ჰერჩინსკიმ ჟურნალისტებს განუცხადა თბილისში, სადაც ორდღიანი საერთაშორისო კონფერენცია სახელწოდებით „ევროკავშირის გაფართოება - გეოპოლიტიკური საჭიროება და შემდგომი ნაბიჯები ევროკავშირის კანდიდატი ქვეყნებისთვის“ - მიმდინარეობს.

ელჩის თქმით, დღევანდელი მდგომარეობით საქართველო გაწევრიანების პროცესის შემდგომ საფეხურზე გადასვლას ვერ მოახერხებს.

„დღევანდელი მდგომარეობით, ვერ წარმომიდგენია საქართველო წელს წინ წავიდეს, შემდგომ საფეხურზე გადავიდეს სწორედ იმიტომ, რომ ლიდერებმა გადაწყვიტეს, გაეყინათ საქართველოს გაწევრიანების პროცესი და ისინი ელოდებიან განმარტებას საქართველოს ხელისუფლების მხრიდან“, - აღნიშნა ელჩმა.

ასევე იხილეთ:

• "ვწუხვარ, რომ ამას ვამბობ, მაგრამ ამ დროისთვის, საქართველოს ევროკავშირში გაწევრიანება შეჩერებულია" - პაველ ჰერჩინსკი