სინგაპურმა მწერები ოფიციალურ საკვებად დაამტკიცა - როგორია ბრძანების დეტალები

სინგაპურის სურსათის სახელმწიფო სააგენტომ (SFA) ქვეყანაში გასაყიდად და საკვებად მოხმარებისთვის მწერების 16 სახეობა, დაამტკიცა. განცხადება, რომელიც სურსათით მოვაჭრეებისთვის არის მიმართული, სააგენტომ 8 ივლისს გაავრცელა.

“ამიერიდან SFA ნებადართულად აცხადებს მწერების და მწერების პროდუქტების იმპორტს“ - აღნიშნულია განცხადებაში, დაკონკრეტებულ რეგულაციასთან ერთად იმის შესახებ, რომ იმპორტისთვის და საკვებად მხოლოდ კალიების, ჭიების და ხოჭოების კონკრეტული სახეობები იქნება დასაშვები.

თუმცა, მათი ბუნებიდან მოპოვება დაუშვებელია, “საჭირო იქნება დოკუმენტური მტკიცებულება, რომ მწერები კომპეტენტური ორგანოს მიერ, “ფერმაშია“ მოშენებული“.

მსოფლიოს რამდენიმე ქვეყანაში დიდი ხანია საზოგადოების ნაწილი მწერებით იკვებება. მათ შეხვდებით ქუჩის საკვებ ობიექტებშიც. შემწვარი ხოჭოები, კალიები და სხვა მწერები, ერთგვარ დელიკატესებადაც კი ითვლება. სამხრეთ-აღმოსავლეთ აზიის სხვა ქვეყნებში, როგორიცაა ტაილანდი და კამბოჯა, ჭიანჭველებს და ტარანტულებსაც კი ჩვეულებრივ მიირთმევენ.

მკვლევრების თქმით, მწერების 2100-ზე მეტი სახეობა საკვებად ვარგისია.

წყარო: CNN