გაიზარდა გარდაცვლილთა რიცხვი - კიევში დღეს გლოვის დღეა

კიევის მაცხოვრებლები 9 ივლისს პატივს მიაგებენ დედაქალაქზე რუსული სარაკეტო დარტყმის შედეგად დაღუპულთა ხსოვნას, - ამის შესახებ კიევის საქალაქო სამხედრო ადმინისტრაცია სოციალურ ქსელში იუწყება.

„კიევის საქალაქო ხელისუფლების გადაწყვეტილებით, 9 ივლისი გლოვის დღედ გამოცხადდა. ქალაქის ყველა შენობაზე დროშები დაშვებული იქნება. აკრძალულია ყოველგვარი გასართობი აქტივობა“, - აღნიშნულია საქალაქო სამხედრო ადმინისტრაციის განცხადებაში.

შეგახსენებთ, გუშინ რუსულმა ძალებმა უკრაინის ტერიტორიაზე, მათ შორის კიევზე, სარაკეტო იერიში განახორციელეს, რასაც, ბოლო მონაცემებით, 37 ადამიანის სიცოცხლე ემსხვერპლა. მხოლოდ კიევში დაღუპულია 27 და დაშავებულია 80-ზე მეტი ადამიანი.

წაიკითხეთ ასევე:

• "ის ობოლი იყო, დეიდამ გაზარდა..." - უკრაინაში საავადმყოფოზე ოკუპანტების იერიშის შედეგად ახალგაზრდა ექიმი დაიღუპა