3000-დოლარიანი ნიშნობის ბეჭედი, თეთრი ვარდების თაიგული, თეთრი კაბა და ვუალი - შორენა ბეგაშვილი შთამბეჭდავი და იდუმალებით მოცული ფოტოების მორიგ სერიას აქვეყნებს

შორენა ბეგაშვილი გულშემატკივრების გაოცებას აგრძელებს. უკვე მეორე დღეა მსახიობი და ინფლუენსერი ისეთ ფოტოებს აქვეყნებს სოციალურ ქსელში, რომ გამომწერები საგონებელში არიან.

შეგახსენებთ, რომ ჯერ კიდევ გუშინ, 7 ივლისს სოციალურ ქსელში საფრანგეთში გადაღებული ფოტოები გამოაქვეყნა, სადაც იახტაზე თეთრ კაბაში პოზირებდა. ასევე ერთ-ერთ ვიდეოში მარცხენა არათითზე ძვირადღირებული ბეჭედი ეკეთა. ეს არის 3.00-კარატიანი მორგანიტის ნიშნობის ბეჭედი, რომელიც 3000 დოლარი ღირს.

მიუხედავად იმისა, რომ თავდაპირველად ყველას საქორწინო ცერემონია ეგონა, მალევე გაირკვა, რომ შორენას დაბადების დღე იყო და რეალურად სწორედ ამას აღნიშნავდა.

თუმცა ყველაფერი ამით არ დასრულებულა, დაბადების დღის საღამოს ბეგაშვილმა საქორწინო ვუალში გადაღებული ფოტოები გამოაქვეყნა. ამჯერად გამომწერები სერიოზულად კითხულობენ, არის თუ არა ეს საქორწინო ცერემონია. ერთ-ერთ ფოტოზე კი შორენას ვარდების გრანდიოზული თაიგულიც ამშვენებს.

"შორენა, დაქორწინდი?" - ეკითხებიან მას გულშემატკივრები, თუმცა რა სიურპრიზს ამზადებს ერთ-ერთი ყველაზე პოპულარული და სკანდალური სახე თაყვანისმცემლებისთვის, ჯერჯერობით არავინ იცის.

ჯერჯერობით, მსახიობი საიდუმლოდ ინახავს ინფორმაციას პირადი ურთიერთობისა და საყვარელი მამაკაცის შესახებ.

წაიკითხეთ ასევე:

• "ქორწილი თუ დაბადების დღის წვეულება?" - შორენა ბეგაშვილის მორიგი შთამბეჭდავი გამოჩენა, ამჯერად კანიდან: ძვირადღირებული საჩუქარი და წვეულება იახტაზე