არქეოლოგებმა ძველი რომაული კანალიზაციის გათხრისას ბერძნული მითოლოგიის ერთ - ერთი ღმერთის, ჰერმესის 2 მეტრიანი ქანდაკება აღმოაჩინეს
ბულგარელი არქეოლოგები ძველი რომაული კანალიზაციის გათხრების დროს გასაოცარ აღმოჩენას და მოულოდნელ საგანძურს წააწყდნენ. ადგილზე აღმოაჩინეს ძალიან კარგად შემონახული, ძველი ბერძნული მითოლოგიის - ერთ-ერთი ღმერთის, ჰერმესის 2 მეტრიანი მარმარილოს ქანდაკება.
ქანდაკება სამხრეთ-დასავლეთ ბულგარეთში, საბერძნეთის საზღვართან ახლოს მდებარე უძველესი ქალაქის ჰერაკლეა სინტიკის გათხრების დროს იპოვეს.
როგორც reuters -თან საუბარში არქეოლოგებმა განაცხადეს, რომ მას შემდეგ, რაც მიწისძვრამ გაშლილი ქალაქი ახ. წ. 388 წელს გაანადგურა, ქანდაკება სავარაუდოდ საგულდაგულოდ მოათავსეს კანალიზაციაში და დაფარეს მიწით, რაც ხსნის მის კარგ მდგომარეობას.
- მათი თქმით, ქანდაკება ძველი ბერძნული ორიგინალის რომაული ასლია.
ქალაქი ჰერაკლეა სინტიკა 356 წ. და 339 წ.წ. დააარსა მაკედონელმა მეფემ, ფილიპე II-მ, დღეს ის ბულგარეთის რეგიონია.