სამხრეთ ამერიკაში დაკარგული ცივილიზაციის ნაშთები აღმოაჩინეს - რას საქმიანობდა ხელოვანთა ტომი, რომელიც 4000 წლის წინ ცხოვრობდა
არქეოლოგებმა ვენესუელაში, ერთ-ერთ მთაზე აღმოაჩინეს მტკიცებულება დაკარგული ცივილიზაციის შესახებ, რომელიც სამხრეთ ამერიკაში მინიმუმ 4000 წლის წინ ცხოვრობდა. მათ აღმოაჩინეს უძველესი ნახატები მთის ბრტყელ ფერდზე, სადაც გამოსახული იყო წერტილოვანი ნიმუშების ფერადი დიზაინი, ფოთლების ფორმის ნახატები და ფიგურები, რომლებიც შესაძლოა იდუმალი რიტუალის ნაწილი ყოფილიყო.
წამყვანმა მკვლევარმა ხოსე მიგელ პერეს-გომესმა DailyMail - ს განუცხადა, რომ წინა კვლევებმა რეგიონში ადამიანის აქტივობის ნიშნები არ აღმოაჩინა, რაც იმაზე მეტყველებს, რომ ხატოვანი ხელოვნება უცნობი ცივილიზაციის მიერ არის შექმნილი.
- განსხვავება ახლად აღმოჩენილ ცივილიზაციასა და სხვა კულტურებს შორის ეფუძნება მხოლოდ “სტილისტურ შედარებებს რეგიონის სხვა ადგილებთან“.
ბოლივარის შტატში, კანაიმის ეროვნულ პარკში, კლდეზე გამოსახული ნახატები 11,500 კვადრატულ მილზე მეტს მოიცავს.
“ჩვენ ვხედავთ მონადირე-შემგროვებელთა ახალ კულტურას, რომლებიც სავარაუდოდ ჩავიდნენ კანაიმის ეროვნული პარკის ტერიტორიაზე პლეისტოცენის ბოლოს (პლეისტოცენი არის გეოლოგიური ეპოქა, რომელიც გრძელდებოდა ჩვ. წ. 2,58 მილიონიდან 11700 წლის წინ). ისინი დასახლდნენ, განვითარდნენ იქ და შემდეგ გავრცელდნენ რეგიონში, მიაღწიეს ამაზონის აუზამდე“, - თქვა პერეს-გომესმა.
- ზოგიერთი ნახატი მდებარეობს მიუწვდომელ ადგილებში. კვლევა გამოქვეყნდა ჟურნალში Rock Art Research.
მონადირე-შემგროვებლები იყენებდნენ ბუნებრივი ოქსიდის პიგმენტს დაფქული თიხისგან - წითელ ოხრას. საღებავი, რომელსაც ჰქონდა ოდნავ ნარინჯისფერი ელფერი, მიიღებოდა კვარცისა და ცარცისგან. თუმცა კვლევის მიხედვით, საჭიროა მეტი ანალიზი იმისათვის, რომ გავიგოთ ნახატების მიღმა შინაარსი.
”ეს აღმოჩენები განსაკუთრებულია, რადგან ის ახალია მეცნიერებისთვის, ავსებს ხარვეზს რეგიონში, რომელიც აქამდე არქეოლოგიური თვალსაზრისით არ იყო გამოკვლეული,” - თქვა პერეს-გომესმა.
მთის მდებარეობა მიუთითებს იმაზე, თუ რა ტიპის ადამიანებმა შექმნეს ნახატები, რადგან ის მდებარეობს მდინარეებს არაუაკსა და აპარურენს შორის, რომლებიც მიედინება საპირისპირო მიმართულებით.
პერეს-გომესმა აღნიშნა, რომ კლდის კედელზე ასევე ნაპოვნი იქნა 1947 წლით დათარიღებული გაცვეთილი წარწერები, რომელიც, როგორც ჩანს, ეკუთვნოდა ესპანელ მკვლევარს კაპიტან ფელიქს კარდონა პუიგს. სწორედ მან აღმოაჩინა ეს ტერიტორია.
აღსანიშნავია, რომ ტერიტორიაზე ასევე აღმოჩნდა ჭურჭლის ფრაგმენტები და ქვის იარაღები, რაც იმაზე მეტყველებს, რომ ისინი შესაძლოა გამოყენებული ყოფილიყო მონადირე-შემგროვებელი ტომის მიერ.
”ყველა ეს მტკიცებულება მიუთითებს იმაზე, რომ ჩვენ ახალი კულტურის წინაშე ვართ. აღმოჩენა მნიშვნელოვანია არა მხოლოდ ვენესუელისთვის, არამედ რეგიონისთვის“, - აცხადებს პერეს-გომესი.
ასევე იხილეთ:
- ამაზონის ჯუნგლებში აღმოჩენილი 2 500 წლის წინანდელი ქალაქი ისტორიას თავდაყირა აყენებს - რა დახვდათ მეცნიერებს მცენარეებით დაფარულ უზარმაზარ ტერიტორიაზე
- როგორ მზადდებოდა შუმერული ლუდი, რომელსაც თავისი ქალღმერთი ჰყავდა - არქეოლოგებმა უძველესი რეცეპტი აღადგინეს
- როგორ ცხოვრობენ ჰიმბას ტომის ქალები, რომლებიც არასოდეს იბანენ, მაგრამ აფრიკის ყველაზე ლამაზ ქალებად ითვლებიან?