ბრიტანეთის თემთა პალატის არჩევნებში ოპოზიციური ლეიბორისტული პარტია იმარჯვებს - ეგზიტპოლის თანახმად ლეიბორისტები 410 ადგილს დაიკავებენ
ეგზიტპოლის თანახმად, დიდი ბრიტანეთის ვადამდელ საპარლამენტო არჩევნებში ლეიბორისტული პარტია ლიდერობს.
კერძოდ, ეგზიტპოლის თანახმად, თემთა პალატაში ლეიბორისტებმა 410 მანდატი მიიღეს. ამავე შედეგებით, კონსერვატიულმა პარტიამ 131 მანდატი მოიპოვა.
ეგზიტპოლის თანახმად, თემთა პალატაში ლიბერალ დემოკრატებს 61 წარმომადგენელი ეყოლება, პარტია Reform UK-ს - 13 ადგილი ექნება. რაც შეეხება შოტლანდიის ნაციონალურ პარტიას, ის 10 მანდატით იქნება წარმოდგენილი.
როგორც დასავლური მედია წერს, დიდი ბრიტანეთის პრემიერ-მინისტრი ლეიბორისტების ლიდერი, კირ სტარმერი გახდება.