ვის მოუწია გვინეტ პელტროუს სახლიდან გაქცევა, დიარეის "კატასტროფული შემოტევის" შემდეგ - მედია სკანდალური წვეულების დეტალეზე: "ყველაფერი "ოზემპიკის" ბრალია"
ინსაიდერებმა იმ უიღბლო სტუმრის ვინაობა გაამხილეს, რომელმაც გვინეტ პელტროუს ჰემპტონის სახლში, საწოლში დიარეის კონტროლი ვერ მოახერხა.
- DailyMail.com-ის ცნობით, სკანდალის ცენტრში მყოფი პირი საზოგადოებაში ცნობილი და პოპულარულ ადამიანებთან დაახლოებული პირი, დერეკ ბლასბერგია.
გასულ კვირას, როდესაც გავრცელდა ინფორმაცია, რომ 51 წლის პელტროუს საკუთარ სახლში ვიღაცის "ოზემპიკით გამოწვეული დიარეის" დასუფთავება მოუწია, ინტერნეტმომხმარებლები მომხდარის გამო საკმაოდ აღელვებულნი იყვნენ.
თუმცა, ინსაიდერები ამტკიცებენ, რომ 42 წლის მედია პერსონა ბლასბერგმა, რომელსაც ერთხელ "შოუბიზნესის ერთ-ერთი ყველაზე კარგი კავშირების მქონე კაცი" უწოდე, მომხდარი პოპულარულ წონის დაკლების წამალს უბრალოდ დააბრალა, სანამ, როგორც ამბობენ, ადგილიდან გაიქცეოდა.
"ეს ოზემპიკი არაა, ეს უბრალოდ ისაა, რაც მან ყველას უთხრა”, - განაცხადა დაახლოებულმა პირმა, სანამ იმის შესახებ მოჰყვებოდა, თუ როგორ გავრცელდა საიდუმლო.
"გვინეტმა ოპრას, ჯერი და ჯესიკა საინფელდებს და ლარი დევიდს მოუყვა”, - განაგრძო ინსაიდერმა, - "გასაოცარია, რამდენმა ადამიანმა იცის ეს ამბავი".
ბლასბერგისთვის პელტროუსთან დროის გატარება მის ხუთსაძინებლიან ლონგ აილენდის სახლში, სადაც ბრედ ფალჩუკთან ქორწილი გადაიხადა, უცხო არ არის.
2022 წელს მოდის ექსპერტმა საკუთარი თავისა და მსახიობის ფოტო გამოაქვეყნა, როცა მდიდრულ მამულში მის 50-ე დაბადების დღეს აღნიშნავდნენ.
როგორც ჩანს, ვიღაცამ ბლასბერგის გამოაშკარავება სცადა, როდესაც Instagram პოსტზე განავლის, უნიტაზისა და ბომბის ემოჯები დატოვეს კომენტარად.
"ამბის თანახმად, გვინეტის სტუმარს იქ ყოფნისას, საწოლში ინციდენტი შეემთხვა, შემდეგ ქალაქში გაიქცა", - ეწერა იმეილში, რომელიც გასულ კვირას გავრცელდა.
წერილში აღნიშნული იყო, რომ სკანდალი "ჰემპტონის საზოგადოების საყვარელი სამესიჯო ჭორი გახდა". ასევე, იქვე ეწერა, რომ "ოზემპიკით გამოწვეული დიარეა იქაური მკვიდრებისთვის ძალიან ცხელი საუბრის თემა ხდება - რადგან მათი სტუმრების უმეტესობა მას იყენებს. ასე რომ, ელოდეთ, რომ 4 ივლისიდან სამრეცხაოები სრულად დაჯავშნილი იქნება".
ბლასბერგი ამჟამად YouTube-ის მოდისა და სილამაზის პარტნიორობის ხელმძღვანელად მუშაობს და ასევე არის Vanity Fair-ის, Architectural Digest-ისა და Vogue-ის რამდენიმე საერთაშორისო გამოცემის მოწვეული რედაქტორი.
ბლასბერგი, რომელმაც დაწერა "Very Classy: Even More Exceptional Advice for the Extremely Modern Lady", არა მხოლოდ პელტროუს ახლო მეგობრად ითვლება, არამედ ხშირად ატარებს დროს ისეთ ადამიანებთან, როგორებიც არიან კარლი კლოსი, სიენა მილერი, კენდალ ჯენერი და დემი მური.
როგორც წამყვანი მოდის ჟურნალისტის, საზოგადოებაში გამოჩენილი ადამიანისა და სატელევიზიო პერსონის, მისი გავლენისა და კავშირების წყალობით, ბლასბერგის დაბადების დღის წვეულებები ხშირად მისი უმაღლესი დონის სტუმრებისთვის მეტ გალამდელი ერთგვარი გახურებაა.
აპრილში, ბლასბერგის 42-ე დაბადების დღის წვეულებას ისეთი ვარსკვლავები ესწრებოდნენ, როგორებიც ენ ჰეთეუეი, კეიტ ჰადსონი, ჯეიკ ჯილენჰოლი და ენდი კოენი არიან.
2022 წელს მის წვეულებას დაესწრნენ ჯეფ ბეზოსი, ჰეილი ბიბერი და ლეონარდო დიკაპრიოც.
არსებული ინფორმაციით, ოზემპიკის პოპულარობა პრობლემებს ქმნის მდიდარ და ცნობილ ადამიანებში, როდესაც ისინი ჰემპტონში ერთად ისვენებენ.
ოზემპიკი ჩვეულებრივ, დიაბეტის სამკურნალოდ გამოიყენება და ადამიანებს ეხმარება, წონაში სწრაფად დაიკლონ, თუმცა მას აქვს გვერდითი ეფექტი, რომელიც 10-დან 1 მომხმარებელზე ზემოქმედებს.
ნივთიერება სემაგლუტიდი არა მხოლოდ იწვევს წონის დაკლებას, არამედ გასტროკოლიკურ რეფლექსსაც განაპირობებს, რამაც შეიძლება აფეთქებითი და უკონტროლო დიარეა გამოიწვიოს.
ბოლო თვეების განმავლობაში რამდენიმე ცნობილმა პირმა ოზემპიკის გამოყენება აღიარა, მათ შორის ოპრამ, ილონ მასკმა, შერონ ოსბორნმა, ჩელსი ჰენდლერმა და რობი უილიამსმა.
კომედიანტმა ემი შუმერმა ასევე აღნიშნა, რომ წამალს 2022 წელს იღებდა, მაგრამ გაამხილა, რომ გვერდითი ეფექტების გამო თავის დანებება მოუწია.
"ერთ-ერთი იმ ადამიანთაგანი ვიყავი, ვინც თავს ძალიან ცუდად გრძნობდა", - აღნიშნა მან.
წონის დაკლების წამლები GLP-1-ის მიბაძვით მუშაობენ, ჰორმონის, რომელიც სხეულში ბუნებრივად წარმოიქმნება და კუჭში საკვების გავლის შენელებას ეხმარება, რის შედეგადაც ადამიანებს ნაკლებად აქვთ შიმშილის გრძნობა.
ის ასევე ცვლის ტვინის მადის რეგულაციას ისე, რომ მომხმარებლები კმაყოფილებას გრძნობენ მიუხედავად იმისა, რომ ნაკლებს ჭამენ და წახემსების სურვილი არ უჩნდებათ.
წამლის აღწერის თანახმად, ოზემპიკის გავრცელებული გვერდითი ეფექტები მოიცავს შეკრულობას, დიარეას, გულისრევას, ღებინებასა და მუცლის ტკივილს.
ამასობაში, გამოვლენა გრძელვადიანმა გვერდითმა ეფექტებმაც დაიწყო.