მნიშვნელოვანი ინფორმაცია
17
ივლისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსეთ-ჩინეთის ურთიერთობები საუკეთესო პერიოდს გადის და მსოფლიოსთვის მასტაბილიზებელ ძალად უნდა ჩაითვალოს" - პუტინი
12:55 / 04-07-2024
რუსეთის პრეზიდენტმა, ვლადიმირ პუტინმა და ჩინეთის პრეზიდენტმა, სი ძინპინმა ევრაზიის უსაფრთხოების ბლოკის შეკრებაზე ხაზი გაუსვეს თავიანთი ქვეყნების მზარდ თანხვედრას, რომელსაც ორივე ლიდერი დასავლური ძალის საპირწონედ წარმოაჩენს.
- ყაზახეთში, შანხაის თანამშრომლობის ორგანიზაციის (SCO) ყოველწლიური ლიდერთა სამიტის ფარგლებში, სისთან ორმხრივი შეხვედრის წინ გაკეთებულ შესავალ განცხადებაში პუტინმა თქვა, რომ რუსეთ-ჩინეთის ურთიერთობები "თავიანთ ისტორიაში საუკეთესო პერიოდს" გადის და მსოფლიოსთვის "მასტაბილიზებელ" ძალად უნდა ჩაითვალოს.
"გლობალურ საკითხებში რუსულ-ჩინური თანამშრომლობა საერთაშორისო არენაზე მთავარ მასტაბილიზებელ ფაქტორს წარმოადგენს და ჩვენ მის შემდგომ გაძლიერებას განვაგრძობთ", - განაცხადა პუტინმა.
რუსეთის პრეზიდენტმა ასევე ხაზი გაუსვა მოსკოვისა და პეკინის როლს SCO-ს დაარსებაში 2001 წელს, რამდენადაც ეს ორი ძალა ბლოკის ტრანსფორმაციას უწყობს ხელს - რეგიონული უსაფრთხოების კლუბიდან, რომელიც ცენტრალურ აზიაზეა ფოკუსირებული, აშშ-ისა და მისი მოკავშირეების მიერ მართული დასავლური ინსტიტუტების საპირწონე გეოპოლიტიკურ ძალამდე.
- ბელარუსი, რუსეთის ერთგული მოკავშირე, რომელმაც 2022 წელს უკრაინაში შეჭრისას მოსკოვს დახმარება გაუწია, SCO-ში ოფიციალურად ხუთშაბათს მიიღეს, როგორც მისი მე-10 წევრი. აღმოსავლეთ ევროპის ეს ქვეყანა უახლესი ავტორიტარული სახელმწიფოა, რომელიც SCO-ს შეუერთდა, მას შემდეგ, რაც გასულ წელს სრულუფლებიანი წევრი ირანი გახდა. ბლოკი პირველად 2017 წელს გაფართოვდა, როდესაც ინდოეთი და პაკისტანი მიიღო.
"მონაწილეთა რაოდენობის ზრდასთან ერთად... SCO-მ ასევე მოიპოვა უფრო დიდი როლი, როგორც სამართლიანი მრავალპოლარული მსოფლიო წესრიგის ერთ-ერთმა საკვანძო საყრდენმა," - უთხრა პუტინმა სის.
აშშ-ისა და ევროპის დიდი უკმაყოფილების მიუხედავად, ჩინეთმა და რუსეთმა თავიანთი პოლიტიკური, ეკონომიკური და სამხედრო კავშირები მას შემდეგ გააღრმავეს, რაც პუტინმა და სიმ 2022 წლის თებერვალში "უსაზღვრო" პარტნიორობა გამოაცხადეს, როდესაც რუსეთის ლიდერი, უკრაინაში სრულმასშტაბიან შეჭრამდე რამდენიმე კვირით ადრე, პეკინს ეწვია.
ჩინეთმა ევროკავშირს გაუსწრო და რუსეთის უმსხვილესი სავაჭრო პარტნიორი გახდა, რაც მის მძიმედ სანქცირებულ ეკონომიკას მნიშვნელოვან სასიცოცხლო ძალას სძენს. ამ ორმა ბირთვული იარაღის მქონე მეზობელმა ასევე განაგრძო ერთობლივი სამხედრო წვრთნების ჩატარება, მათ შორის, ირანთან ერთად.
ამასობაში, აშშ-მა ჩინეთს რუსეთისთვის ორმაგი დანიშნულების პროდუქციის მიწოდებაში დასდო ბრალი, რაც უკრაინაზე თავდასხმისას ომში მყოფი ქვეყნის სამხედრო-სამრეწველო კომპლექსს აძლიერებს, ამას კი პეკინი უარყოფს.
თავის შესავალ განცხადებაში სიმ პუტინს განუცხადა, რომ ჩინეთმა და რუსეთმა უნდა "გააგრძელონ თავიანთი "მტკიცე მეგობრობის" თავდაპირველი მისწრაფების დაცვა", "არეულობითა და ცვლილებებით სავსე საერთაშორისო სიტუაციის" პირობებში.
სიმ ასევე შეაქო ჩინეთ-რუსეთის ურთიერთობების "უნიკალური ღირებულება", მოუწოდა რა ორ ქვეყანას, ახალი ძალისხმევა გასწიონ თავიანთი "ლეგიტიმური უფლებებისა და ინტერესების" და "საერთაშორისო ურთიერთობების მარეგულირებელი ძირითადი ნორმების" დასაცავად.
"ჩინეთმა და რუსეთმა უნდა გააგრძელონ ყოვლისმომცველი სტრატეგიული კოორდინაციის გაძლიერება, წინ აღუდგნენ გარე ჩარევას და ერთობლივად დაიცვან რეგიონული სიმშვიდე და სტაბილურობა," - ჩინეთის საგარეო საქმეთა სამინისტროს ინფორმაციით, ეს სიტყვები სიმ წარმოთქვა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება სპეცოპერაციის კადრები და ფარული ჩანაწერები, რომლებშიც "ქურდულ სამყაროსთან" კავშირში მყოფი ფიგურირებენ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
