თანამედროვე ყურძენი დინოზავრების დაღუპვის შედეგად წარმოიშვა - ახალი კვლევის შედეგები

ყურძენი ათასწლეულების მანძილზე გადაჯაჭვულია კაცობრიობის ისტორიასთან. ჩვენი წინაპრები ღვინოს ათასობით წლის წინაც კი აწარმოებდნენ. თუმცა, ახალი კვლევის თანახმად, ეს შეიძლება ასე არც ყოფილიყო, დინოზავრები პლანეტიდან რომ არ გამქრალიყვნენ.

როგორც CNN Nature Plants- ზე დაყრდნობით წერს, როდესაც ასტეროიდმა დედამიწას დაარტყა და გაანადგურა მასიური ცხოველები, შექმნა ახალი არსებებისა და მცენარეების განვითარებისთვის საფუძველი. კოლუმბიაში, პანამასა და პერუში აღმოაჩინეს გაქვავებული ყურძნის მარცვლები რომელთა ასაკიც 19 მილიონიდან 60 მილიონ წლამდე მერყეობს. აღმოჩენა ნათელს ჰფენს ხილის ისტორიას იმის შესახებ, თუ როგორ მოიკიდა ფეხი მან უღრან ტყეებში.

ჟურნალ Nature Plants-ში გამოქვეყნებულ ნიმუშებზე ჩატარებული კვლევის მიხედვით, ერთ-ერთი ახლად აღმოჩენილი თესლი დასავლეთ ნახევარსფეროში ნაპოვნი ყურძნის ოჯახის მცენარეების უძველესი ნიმუშია.

“ეს არის უძველესი ყურძენი, რომელიც ოდესმე აღმოჩენილა მსოფლიოს ამ ნაწილში და რამდენიმე მილიონი წლით ადრინდელია, ვიდრე უძველესი ყურძენი, რომელიც პლანეტის მეორე მხარეს აღმოაჩინეს. ეს აღმოჩენა აჩვენებს, რომ დინოზავრების გადაშენების შემდეგ ყურძენმა მართლაც დაიწყო მთელ მსოფლიოში გავრცელება“, - თქვა კვლევის წამყვანმა ავტორმა ფაბიანი ჰერერამ.

ცხოველების რბილი ქსოვილების მსგავსად, რეალური ხილი კარგად არ არის დაცული ნამარხებში. მაგრამ თესლებს, რომლებიც ქვავდებიან, შეუძლიათ მეცნიერებს ძალიან ბევრი ინფორმაცია მიაწოდონ. აღსანიშნავია, რომ აქამდე აღმოჩენილი უძველესი ყურძნის თესლის ნამარხი ინდოეთის ტერიტორიას ეკუთვნის და დინოზავრების გადაშენებიდან მალევე, 66 მილიონი წლით თარიღდება.

• როგორ შეიცვალა უძველესი ტყეები

როდესაც დინოზავრები გადაშენდნენ, მათმა არ არსებობამ შეცვალა ტყეების მთელი სტრუქტურა.

“ცნობილია, რომ დიდი ცხოველები, როგორიცაა დინოზავრები, ცვლიან მიმდებარე ეკოსისტემებს. ჩვენ ვფიქრობთ, რომ დიდი დინოზავრები, რომლებიც ტრიალებდნენ ჯუნგლებში, სავარაუდოდ ანადგურებდნენ ხეებს და ბინარობდნენ ღია სივრცეებში“, - აღნიშნავს მკვლევარი.

მას შემდეგ რაც დინოზავრები გაუჩინარდნენ, ტროპიკული ტყეები გახშირდა და ხეების ფენებმა შექმნა გარემო სხვადასხვა ახალი მცენარეების აღმოსაცენებლად. თესლის შესწავლა მოგვითხრობს იმაზე, თუ როგორ გავრცელდა და ადაპტირდა ყურძენი ათასობით წლის განმავლობაში. გაძლიერდა და გადარჩა მსოფლიოს სხვადასხვა ნაწილებში, მიუხედავად იმისა, რომ დროთა განმავლობაში ცენტრალური და სამხრეთ ამერიკიდან გაქრა.

წყარო: CNN