ტოსკანაში საცხოვრებლად გადასასვლელად იტალიის მთავრობა 32 000 დოლარს გადაგიხდით - რომელი ქვეყნის მოქალაქეებს შეუძლიათ პროგრამით სარგებლობა?
წარმოიდგინეთ, რომ ყოველ დილით იღვიძებთ ტოსკანის სოფლის ხედით, წითელი ღვინით, შუა საუკუნეების არქიტექტურითა და ზეთისხილის კორომებით თქვენსავე სახლში - ეს შეიძლება რეალობად იქცეს.
businessinsider ტოსკანის სამთავრობო პირების გადაწყვეტილების შესახებ წერს, რომლითაც სარგებლობა ნებისმიერ მსურველს შეუძლია. პროგრამის მიზანი, ულამაზესი მიტოვებული და გაუკაცრიელებული სოფლების დასახლებაა და ეს პრობლემა არც მეტი, არც ნაკლები, ცნობილ ტოსკანას აქვს.
- ადგილობრივმა მმართველებმა შექმნეს 3,000,000 დოლარის ბიუჯეტის მქონე ფონდი, რათა მსურველებს სოფლად გადასვლაში დაეხმარონ. ამისთვის ფონდი “ბენეფიციარს“ გრანტების სახით 32000 აშშ დოლარამდე გადაუხდის. თანხა ტოსკანაში გადასასვლელად და სახლის შესაკეთებლად იქნება გაწერილი.
პროგრამა "რეზიდენტი მთებში" ამ წლის ივნისში ამოქმედდა და ბიუჯეტი შეივსო 2 800 000 ევრომდე შეივსო (დაახლოებით 3,001,740 აშშ დოლარი).
მსურველებს, საკუთარი ახალი სახლის გასარემონტებლად და საცხოვრებელი პირობების შესაქმნელად გადაუხდის 10,000 ევროდან 30,000 ევრომდე (დაახლოებით 10,720 დოლარიდან- 32,161 აშშ დოლარამდე).
“ინტერვენციის მიზანია ხელი შეუწყოს მთის ტერიტორიებზე ხელახალ პოპულაციას და სოციალურ-ეკონომიკურ აღორძინებას“, - ნათქვამია პროგრამის ვებგვერდზე.
ტოსკანის 76 ქალაქიდან ერთ-ერთში, სადაც 5000-ზე ნაკლები მაცხოვრებელია გრანტები დაფარავს სახლის რემონტის ხარჯების 50%-ს. დასასახლებელ ადგილებს შორის მოხვდა San Casciano dei Bagni, რომელიც ცნობილია თავისი თერმული აუზებით, კუნძული კაპრია ისოლა და სხვა მიმზიდველი ადგილები.
პროგრამა ღიაა იტალიელებისთვის, ევროკავშირის რეზიდენტებისთვის და ევროკავშირის არაწევრი მოქალაქეებისთვისაც. გარკვეული კრიტერიუმების დაკმაყოფილების შემდეგ, უფლებამოსილმა განმცხადებლებმა უნდა აიღონ ვალდებულება, რომ ტოსკანური საკუთრება მათ მთავარ სახლად იქცევა და არ მიატოვებენ.
განაცხადების მიღება 27 ივლისს სრულდება.
ტოსკანას რეგიონი ცენტრალურ იტალიაში მდებარეობს. მისი ფართობი 23 000 კმ²-ია. რეგიონული დედაქალაქია ფლორენცია.
ტოსკანა ცნობილია თავის თვალისმომჭრელი ლანდშაფტით, ხელოვნების მდიდარი მემკვიდრეობით და დიდი გავლენით მაღალ კულტურაზე. ტოსკანა მიჩნეულია იტალიური რენესანსის დაბადების ნამდვილ ადგილად.
არის არიან პეტრარკას, დანტეს, ბოტიჩელის, მიქელანჯელოს, ლეონარდო და ვინჩის, გალილეო გალილეის, ჯორდანო ბრუნოს, ლუკა პაჩოლის და სხვა უდიდესი პიროვნების სამშობლო.
რეგიონში გახსნილია რამდენიმე მუზეუმი. ტოსკანა ცნობილია თავისი ღვინოებით და უნიკალური კულინარიული ტრადიციებით.
ტოსკანიდან ექვსი ობიექტი იუნესკოს მსოფლიო მემკვიდრეობის ძეგლთა სიაშია შეტანილი: ფლორენციის ისტორიული ცენტრი (1982), სიენის ისტორიული ცენტრი (1995), პიზის კათედრალის მოედანი (1987), სან-ჯიმინიანოს ისტორიული ცენტრი (1990), პიენცის ისტორიული ცენტრი (1996) და ვალ-დ’ორჩა (2004).
გარდა ამისა, ტოსკანას გააჩნია 120-მდე დაცული ბუნების ნაკრძალი.