მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ ქრება პუშკინის იშვიათი გამოცემები ევროპის ბიბლიოთეკებიდან და რა კავშირი აქვთ ამასთან ქართველებს - "ქურდები პატარა თევზები არიან..."
09:33 / 06-07-2024
"ვარშავის უნივერსიტეტის თანამშრომელი უნივერსიტეტის ბიბლიოთეკაში პუშკინის "კავკასიის ტყვეს" (1822 წ.) ყალბ გამოცემას გვაჩვენებს, რომელიც ორიგინალის ნაცვლად, ფარულად არის ჩანაცვლებული. 2023 წლის ნოემბერი,“ - სწორედ ასე იწყებს The New York Times მის საგამომძიებლო სტატიას, რომელიც 2024 წლის 1 მაისს გამოაქვეყნა.
როგორც გამოცემა იუწყება, ბოლო ორი წლის განმავლობაში ევროპული ბიბლიოთეკებიდან, სხვა მნიშვნელოვან წიგნებთან ერთად, რუსული კლასიკის 170-ზე მეტი იშვიათი წიგნი მოიპარეს. ქურდების მთავარი სამიზნე პუშკინის წიგნები იყო.
ევროპოლის მიხედვით, 2022 წლიდან მოყოლებული, 170-ზე მეტი წიგნი, რომელთა ღირებულება 2,6 მილიონ დოლარზე მეტია, გაქრა ლატვიის, ვილნიუსის, ბერლინის, ბავარიის, საფრანგეთის, ჟენევის, ჩეხეთის ეროვნული ბიბლიოთეკებიდან და ა.შ. ვარშავის უნივერსიტეტის ბიბლიოთეკა ყველაზე მეტად დაზარალდა - დაიკარგა 78 ორიგინალი.
თითოეული წიგნის ფასი ათეულიდან ასი ათას დოლარამდეა. უმეტეს შემთხვევაში, ორიგინალები ჩანაცვლებულია მაღალი ხარისხის ასლებით. ექსპერტების თქმით, ამდენი ქვეყნიდან ერთი და იმავე მსგავსი წიგნის გაქრობა შედარებით მოკლე პერიოდში უპრეცედენტოა. მასობრივმა ქურდობამ ბიბლიოთეკები აიძულა გააძლიერონ უსაფრთხოება.
- “როგორ აღმოჩნდა რუსული იშვიათი წიგნები შესაძლო მრავალეროვნული კრიმინალური შეთქმულების ცენტრში? ეს არის ფულისა და გეოპოლიტიკის ისტორია. ავტორიტეტები, ბიბლიოთეკარები და რუსული იშვიათი წიგნების ექსპერტები თვლიან, რომ ქურდები პატარა თევზები არიან, რომლებიც უფრო დიდი თევზის სახელით მოქმედებენ. მაგრამ ვინ დგას ამ ყველაფრის უკან?“ - წერს გამოცემა.
ფოტოზე ტარტუს უნივერსიტეტის ბიბლიოთეკის დირექტორი კრისტა არუ, ათვალიერებს გოგოლის "მკვდარი სულების" პირველ გამოცემას. ბიბლიოთეკიდან გაქრა რვა წიგნი.
აღსანიშნავია, რომ რუსეთის “ოქროს ხანის“ მწერლების ორიგინალი გამოცემები ბოლო წლებში დასავლეთის აუქციონებზე ხუთ და ექვს ნიშნა ციფრებში გაიყიდა. ევროპოლის ცნობით, ხელისუფლებამ ქურდობის ბრალდებით ცხრა ადამიანი დააკავა. მათ შორის არის ოთხი საქართველოს მოქალაქე, რომლებსაც ბრალად 150-ზე მეტი წიგნის ქურდობა ედება. სამი ეჭვმიტანილი დააკავა ნოემბერში საფრანგეთის პოლიციამ, კიდევ ერთი მამაკაცი გაასამართლეს ესტონეთში, ხოლო მეხუთე ეჭვმიტანილი ლიტვაში, ციხეშია.
"გამოძიების დეტალები, რომელსაც "ოპერაცია პუშკინი" უწოდეს, გაავრცელა პარიზულმა გაზეთმა Le Parisien-მა. თუმცა საფრანგეთის პოლიციის განყოფილების დირექტორმა, პოლკოვნიკმა ჰუბერტ პერსი დუ სერტმა, უარი თქვა კომენტარის გაკეთებაზე.
პუშკინი რუსეთის ეროვნული ხატია. რომანტიკოსმა პოეტმა, რომანისტმა და დრამატურგმა, სანამ 1837 წელს, 37 წლის ასაკში, დუელში დაიღუპებოდა, რუსული ლიტერატურასა და რუსული ენაში განუზომელი როლი ითამაშა“, - წერს New York Times.
ბოლოს, პუშკინის სადებიუტო წიგნი "რუსლან და ლუდმილა" 5 მილიონ რუბლად გაიყიდა. 2019 წელს, კრისტის აუქციონზე ევგენი ონეგინის წიგნი, რომლის პირველი თავები 1825-1832 წლებში გამოიცა, გაიყიდა 467,250 ფუნტ სტერლინგად.
ასევე იხილეთ:
- ქართველმა ცოლ-ქმარმა ევროპის ბიბლიოთეკებიდან 2 მილიონზე მეტი ღირებულების უნიკალური წიგნები მოიპარა - რა დეტალებია ცნობილი ტრანსნაციონალურ დანაშაულზე?
- ევროკავშირის ქვეყნების ბიბლიოთეკებიდან ძვირადღირებული წიგნების ქართველი ქურდების საქმე გრძელდება - დაკავებულია კიდევ ერთი პირი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
