"რონალდუსთან შეხვედრა ჩემი ოცნება იყო და ეს ოცნება ამიხდა... შემდეგი ოცნება მსოფლიო ჩემპიონატზე თამაშია" - ხვიჩა კვარაცხელია
საქართველოს ეროვნული ნაკრების ფეხბურთელები მიხეილ მესხის სტადიონზე იმყოფებიან და საღამოს გულშემატკივრებთან შესახვედრად ემზადებიან. ნაკრები გერმანიიდან საქართველოში 2 ივლისს, დილით ჩამოფრინდა, მათ აეროპორტში გულშემატკივრები დახვდნენ.
ფეხბურთელებთან გასაუბრება "ტვ პირველის" ჟურნალისტმა შეძლო.
“გაუმარჯოს საქართველოს! რა თქმა უნდა, ველოდებოდით რომ ასე დაგხვდებოდნენ. ძალიან მაგარი გულშემატკივრობა იყო საქართველოში და აქაც ველოდებოდით რომ დაგვხვდებოდნენ. ალბათ ჯერ კიდევ წინ არის ის ზეიმი, რაც გველოდება.
ბევრჯერ ვახსენე, რომ რონალდუსთან შეხვედრა ჩემი ოცნება იყო და ოცნება ამიხდა. მადლობელი ვარ, დიდი გამოცდილება იყო მასთან თამაში,“ - აღნიშნა ხვიჩა კვარაცხელიამ “ტვ პირველის“ ეთერში.
- შეკითხვაზე: "შემგედი ოცნება რა არის?" - კვარამ უპასუხა, რომ ეცდება საქართველომ მსოფლიო ჩემპიონატზე ითამაშოს.
"ალბათ მსოფლიო ჩემპიონატზე თამაში... ვეცდებით ვითამაშოთ" - აცხადებს ხვიჩა კვარაცხელია.
ცნობისთვის, საქართველოს ფეხბურთელთა ეროვნული ნაკრები თბილისში დაბრუნდა. თვითმფრინავი დედაქალაქში 09:10 საათზე დაეშვა. ქომაგები აეროპორტში, დილიდან, დროშებითა და სანაკრებო მაისურებით მივიდნენ. ფეხბურთელებმა ტერიტორია ავტობუსით დატოვეს.
წაიკითხეთ ასევე: