"ყველას ვაჯობეთ ქომაგობით, სიყვარულით... გაოცებული ვარ გულშემატკივრების ჩამოსვლით ნებისმიერ თამაშზე" - ბუდუ ზივზივაძის მამა
მიხეილ მესხის სტადიონის ბაზაზე სამშობლოში დაბრუნებული საქართველოს ეროვნული საფეხბურთო ნაკრების გარდა. ფეხბურთელების ოჯახის წევრები, ფედერაციის წარმომადგენლები და ქომაგების მცირე ნაწილი იმყოფება.
“რუსთავი 2“-თან საუბარში ბუდუ ზივზივაძის მამამ, კახა ზივზივაძემ საქართველოს ნაკრების გულშემატკივრობისთვის მადლობა გადაუხადა.
"მადლობა მთელ საქართველოს. გაოცებული ვარ გულშემატკივრების და ხალხის ჩამოსვლით ნებისმიერ თამაშზე. პირველ თამაშში ცოტა თურქებმა დაგვჩაგრეს, მაგრამ დანარჩენში ვაჯობეთ ყველას, ქომაგობით, სიყვარულით, ქართველმა ხალხმა ძალიან დიდი როლი ითამაშა. საქართველოდანაც მოდიოდა დადებითი აურა, ვინც არ იყო ჩამოსული," - აღნიშნა ბუდუ ზივზივაძის მამამ, კახა ზივზივაძემ.