უშეღავათო ბრძოლა და დაძაბული თამაში - ევროპის ჩემპიონატზე მერვედფინალში საქართველო ესპანეთის პირველი ტაიმი ფრედ დასრულდა (ვიდეო)
ევროპის ჩემპიონატზე საქართველო-ესპანეთის მატჩის პირველი ტაიმი ფრედ, 1-1 დასრულდა.
ანგარიში საქართველომ მე-19 წუთზე გახსნა. ჩვენი გუნდი კონტრშეტევაზე წავიდა და საბოლოოდ ესპანელმა ფეხბურთელმა ნორმანდმა ავტოგოლი გაიტანა. ესპანელებმა წნეხი გააძლიერეს და შედეგად მატჩის 39-ე წუთზე ანგარიში გაათანაბრეს. გოლი როდრიმ გაიტანა.
- აღსანიშნავია გიორგი მამარდაშვილის შთამბეჭდავი თამაში, მან არაერთი სახიფათო დარტყმა მოიგერია. ტრავმის გამო მოედანი დატოვა კიტეიშვილმა და მის ნაცვლად მოედანზე ალთუნაშვილი შემოვიდა.
ევროპის ჩემპიონატზე პირველი მატჩი საქართველოს ნაკრებმა 18 ივნისს, თურქეთთან გამართა და 1:3 დამარცხდა, ხოლო 22 ივნისს ჩეხეთის ნაკრებთან შეხვედრა ფრედ, 1:1 დაასრულა. 26 ივნისს კი თავის პირველ ევროპის ჩემპიონატზე საქართველოს ნაკრებმა ჯგუფური ეტაპის მესამე მატჩში პორტუგალია 2:0 დაამარცხა და პლეი-ოფში გავიდა.
EURO 2024-ის მატჩების ღია ჩვენებები საქართველოს ყველა ქალაქში დიდ ეკრანებზეა შესაძლებელი. ამასთან, როგორც ცნობილია, მიხეილ მესხის სტადიონზე საქართველოს ეროვნული ნაკრების ყველა თამაშს აჩვენებენ.